ۇلتتىق بانك 28 ساۋىردەن باستاپ قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ بەينەسى بەينەلەنگەن كوللەكتسيالىق مونەتانى ساتا باستايدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
جاڭا مونەتا «ەستە قالاتىن وقيعالار مەن ءبىرتۋار ادامدار» سەرياسى اياسىندا شىعىپ، «Qazaqstannyń astanasy - Nur-Sultan» دەگەن اتاۋ الدى.
مونەتالاردى kazcoins.nationalbank.kz ينتەرنەت-دۇكەنى ارقىلى ساتىپ الۋعا بولادى. ول ءۇشىن قولدانۋشىلار تىركەلىپ، جەكە كابينەت اشۋى ءتيىس.
نومينالى 1 000 تەڭگەلىك مونەتالاردىڭ جالپى ماسساسى 62,2 گرامم.
ماتەريالى - ماسساسى 46,2 گرامم 925/1000 سىنامالى كۇمىس، ماسساسى16 گرامم 999/1000 سىنامالى التىننىڭ قۇرامداس بولىگى.
ءوندىرىس ساپاسى - proof. ديامەترى - 50 ميلليمەتر.
تارالىمى - 1 000 دانا.
كوللەكتسيالىق مونەتالار قازاقستان تەڭگە سارايىندا دايىندالدى.
«مونەتالار قازاقستان رەسپۋبليكاسىنىڭ بۇكىل اۋماعىندا تولەمدەردىڭ بارلىق ءتۇرى بويىنشا قابىلداۋعا، سونداي-اق قازاقستان رەسپۋبليكاسىنىڭ بارلىق بانكىندە بانك شوتتارىنا ەسەپكە الىنۋعا، اۋدارىلۋعا، ۇساقتاۋعا جانە ايىرباستاۋعا جاتادى.
مونەتالار كادەسىي ورامدا شىعارىلادى جانە قازاقستان ۇلتتىق بانكىنىڭ مەملەكەتتىك تىلدەگى، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان»، - دەدى ۇلتتىق بانكتە.
