Ulttyq Bank 28 sáýirden bastap Qazaqstannyń Tuńǵysh Prezıdenti Nursultan Nazarbaevtyń beınesi beınelengen kollekııalyq monetany sata bastaıdy, dep habarlaıdy «Adyrna» ulttyq portaly Stan.kz aqparat agenttigine silteme jasap.
Jańa moneta «Este qalatyn oqıǵalar men birtýar adamdar» serııasy aıasynda shyǵyp, «Qazaqstannyń astanasy - Nur-Sultan» degen ataý aldy.
Monetalardy kazcoins.nationalbank.kz ınternet-dúkeni arqyly satyp alýǵa bolady. Ol úshin qoldanýshylar tirkelip, jeke kabınet ashýy tıis.
Nomınaly 1 000 teńgelik monetalardyń jalpy massasy 62,2 gramm.
Materıaly - massasy 46,2 gramm 925/1000 synamaly kúmis, massasy16 gramm 999/1000 synamaly altynnyń quramdas bóligi.
Óndiris sapasy - proof. Dıametri - 50 mıllımetr.
Taralymy - 1 000 dana.
Kollekııalyq monetalar Qazaqstan teńge saraıynda daıyndaldy.
«Monetalar Qazaqstan Respýblıkasynyń búkil aýmaǵynda tólemderdiń barlyq túri boıynsha qabyldaýǵa, sondaı-aq Qazaqstan Respýblıkasynyń barlyq bankinde bank shottaryna esepke alynýǵa, aýdarylýǵa, usaqtaýǵa jáne aıyrbastaýǵa jatady.
Monetalar kádesyı oramda shyǵarylady jáne Qazaqstan Ulttyq Bankiniń memlekettik tildegi, orys jáne aǵylshyn tilderindegi nómirlik sapa sertıfıkatymen jabdyqtalǵan», - dedi Ulttyq Bankte.
