حالىقارالىق ۋنيۆەرسيتەتتەر رەيتينگى قازاقستاندىق جوو-لارداعى شىنايى جاعدايدى كورسەتە المايدى - تالعات نارىكباەۆ

2713
Adyrna.kz Telegram

ەلىمىزدە گۋمانيتارلىق جانە الەۋمەتتىك عىلىمدار بويىنشا ماقالالارىن تانىمال حالىقارالىق جۋرنالداردا جاريالاي الاتىن PhD دوكتورانتتارى جوق. بۇل تۋرالى M.S. Narıkbaev atyndaģy KAZGUU Unıversıteti-ءنىڭ باسقارما توراعاسى تالعات نارىكباەۆ «وزبەكستاندا زاڭ عىلىمىن دامىتۋ مەن زاڭ شىعارۋ قىزمەتىن جەتىلدىرۋدىڭ وزەكتى ماسەلەلەرى» اتتى عىلىمي-تاجىريبەلىك كونفەرەنتسيادا ايتتى.

باسقارما توراعاسىنىڭ ايتۋىنشا، قازىرگى ۋاقىتتا ەلىمىزدە Scopus مالىمەتتەر بازاسىندا يندەكستەلگەن نەمەسە Web of Science مالىمەتتەرىنە سايكەس يمپاكت-فاكتورى بار جۋرنالداردا ماقالالارى مەن شولۋلارىن جاريالاعان 300-گە جۋىق زاڭگەر عالىم بار. سونىڭ ىشىندە ولاردىڭ 238-ءى (80%) ەڭبەكتەرىن «جىرتقىش» اتانعان جۋرنالداردا جاريالادى.

كونفەرەنتسيا بارىسىندا تالعات نارىكباەۆ  ۋنيۆەرسيتەتتەر اراسىنداعى QS الەمدىك رەيتينگى جايلى پىكىرىمەن ءبولىسىپ، قازاقستاندىق عىلىم سالاسىنداعى وزەكتى ماسەلەنى اتاپ ءوتتى.

«QS ۋنيۆەرسيتەتتەر رەيتينگىندە قازاقستاننىڭ كەيبىر جوو-لارى بار. بىراق بۇل رەيتينگتىڭ ادىستەمەسى اكادەميالىق ادالدىقتىڭ شىنايىلىعىنا، زەرتتەۋلەردىڭ ساپاسىنا جانە ت.ب. دياگنوستيكا جاساي المايدى. مۇنداي رەيتينگتەگى پوزيتسيالارعا كوبىنەسە شەتەلدىك وزگە ۋنيۆەرسيتەتتەردىڭ ساراپشىلارىمەن جەكە ەتيكاعا جاتپايتىن بايلانىستارى ارقىلى جانە جاريالانعان ماقالالار سانى ءۇشىن جارىسۋ ارقىلى جانە ت.ب. جولدارمەن قول جەتكىزەدى. سونداي-اق ەلىمىزدە گۋمانيتارلىق جانە الەۋمەتتىك عىلىمدار سالاسىنداعى PhD دوكتورانتتارى ماقالالارىن جەتەكشى حالىقارالىق جۋرنالداردا جاريالاي المايدى جانە ماقالا قر بعم تالاپ قويعان سوڭ عانا شىعارىلادى»، - دەپ اتاپ ءوتتى ول.

M.S. Narıkbaev atyndaģy KAZGUU Unıversıteti-ءنىڭ ءباسپاسوز قىزمەتى

پىكىرلەر