ەلىمىزدەگى تابىسى ەڭ تومەن وڭىرلەر اتالدى

1713

ەلىمىزدىڭ وڭتۇستىك وڭىرلەرىندەگى جان باسىنا شاققانداعى اتاۋلى ورتاشا اقشالاي تابىس ورتاشا رەسپۋبليكالىق تابىستان ەداۋىر تومەن بولىپ شىقتى، دەپ حابارلايدى «ادىرنا» ۇلتتىق پورتالى Ranking.kz-كە سىلتەمە جاساپ.

دەرەكتەر بويىنشا، 2020 جىلدىڭ ءتورتىنشى توقسانىندا حالىقتىڭ تابىسى 125,4 مىڭ تەڭگەنى قۇرادى.

ەلىمىزدەگى ەڭ تومەن كىرىس تۇركىستان وبلىسىندا تىركەلدى - 65,9 مىڭ تەڭگە. ال اتىراۋ حالقى 230,2 مىڭ تەڭگە تابىس تابادى.

جالپى العاندا، جان باسىنا شاققانداعى ەڭ تومەنگى اتاۋلى اقشالاي تابىستار وڭتۇستىك وبلىستارعا تيەسىلى، وندا كورسەتكىش 100 مىڭ تەڭگەدەن اسپايدى: تۇركىستان وبلىسىنان كەيىن شىمكەنت قالاسى (79,1 مىڭ تەڭگە), جامبىل وبلىسى (86,5 مىڭ تەڭگە), الماتى (90,7 مىڭ تەڭگە) جانە قىزىلوردا (91,2 مىڭ تەڭگە) وبلىستارى.

«جان باسىنا شاققانداعى ەڭ جوعارى اتاۋلى تابىس اتىراۋ وبلىسىنان باسقا، مەگاپوليستەرگە تيەسىلى — نۇر-سۇلتان (192,9 مىڭ تەڭگە) جانە الماتى (185 مىڭ تەڭگە)»، - دەيدى ساراپشىلار.

سونداي-اق اتىراۋ وبلىسىندا، شىمكەنتتە جانە باتىس قازاقستان وبلىسىندا حالىقتىڭ تابىسى ازايعان.

پىكىرلەر
رەداكتسيا تاڭداۋى