Elimizdegi tabysy eń tómen óńirler ataldy

1733

Elimizdiń ońtústik óńirlerindegi jan basyna shaqqandaǵy ataýly ortasha aqshalaı tabys ortasha respýblıkalyq tabystan edáýir tómen bolyp shyqty, dep habarlaıdy «Adyrna» ulttyq portaly Ranking.kz-ke silteme jasap.

Derekter boıynsha, 2020 jyldyń tórtinshi toqsanynda halyqtyń tabysy 125,4 myń teńgeni qurady.

Elimizdegi eń tómen kiris Túrkistan oblysynda tirkeldi - 65,9 myń teńge. Al Atyraý halqy 230,2 myń teńge tabys tabady.

Jalpy alǵanda, jan basyna shaqqandaǵy eń tómengi ataýly aqshalaı tabystar ońtústik oblystarǵa tıesili, onda kórsetkish 100 myń teńgeden aspaıdy: Túrkistan oblysynan keıin Shymkent qalasy (79,1 myń teńge), Jambyl oblysy (86,5 myń teńge), Almaty (90,7 myń teńge) jáne Qyzylorda (91,2 myń teńge) oblystary.

«Jan basyna shaqqandaǵy eń joǵary ataýly tabys Atyraý oblysynan basqa, megapolısterge tıesili — Nur-Sultan (192,9 myń teńge) jáne Almaty (185 myń teńge)», - deıdi sarapshylar.

Sondaı-aq Atyraý oblysynda, Shymkentte jáne Batys Qazaqstan oblysynda halyqtyń tabysy azaıǵan.

Pikirler
Redakııa tańdaýy