داۋلەت ارعاندىقوۆتىڭ ايتۋىنشا، جالپى ەلىمىزدە 8,7 ميلليون قازاقستاندىقتىڭ تۇراقتى جۇمىسى بار، دەپ حابارلايدى “ادىرنا” ۇلتتىق پورتالى.
«بىرىنشىدەن، 4,1 ميلليون ادامنىڭ تۇراقتى جۇمىسى بولادى، ولار: تۇكش قىزمەتكەرلەرى، مەديتسينا قىزمەتكەرلەرى، وندىرىستىك كاسىپورىندار، اۋىل شارۋاشىلىعى جانە تاعى باسقاسى.
2,5 ميلليونعا جۋىق ادام مۇمكىندىگى مەن بىلىكتىلىك دەڭگەيىنە بايلانىستى قاشىقتان جۇمىس ىستەۋ رەجيمىنە اۋىسۋى مۇمكىن - بۇل ءبىلىم بەرۋ سالاسى، مەملەكەتتىك قىزمەتكەرلەر، كەڭسە قىزمەتكەرلەرى جانە تاعى باسقاسى»، – دەدى ارعاندىقوۆ وكق بريفينگىندە.
قالعان 2 ميلليون ادام ءوز جۇمىسىن تۇراقتى تۇردە ساقتاپ قالۋى مۇمكىن.
«165 مىڭعا جۋىق ادام شەكتەۋ شارالارى تولىق قابىلدانعان جاعدايدا جۇمىسىنان ايىرىلىپ قالۋى مۇمكىن. ءبىز ماماندىقتار، ەڭبەك داعدىلارى بويىنشا تىكەلەي جىكتەدىك، بارلىق توپ بويىنشا باعالاۋ جۇرگىزدىك»، – دەيدى ساراپشى.
