اقش دارىگەرلەرى پاتسيەنتتىڭ فيزيكالىق بەلسەندىلىگى تومەن بولعان جاعدايدا كوروناۆيرۋستان كوز جۇمۋ قاۋپى ءۇش ەسە ارتاتىنىن انىقتادى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
مامانداردىڭ British Journal of Sports Medicine جۋرنالىندا جاريالانعان زەرتتەۋىنە سايكەس، ءدال وسى فاكتور ادامنىڭ اۋرۋحاناعا ءتۇسۋ مۇمكىندىگىن دە ەكى ەسە ارتتىردى.
فونتاناداعى Kaiser Permanente مەديتسينالىق ورتالىعىنىڭ ماماندارى كوروناۆيرۋسپەن اۋىراتىن 48 مىڭ ادامنىڭ دەرەكتەرىن زەرتتەدى.
«ءبىزدىڭ باقىلاۋلارىمىز فيزيكالىق بەلسەندىلىكتىڭ تومەن دەڭگەيى تەمەكى شەگۋ، سەمىزدىك، قانت ديابەتى جانە گيپەرتونيامەن سالىستىرعاندا SARS-CoV-2 جۇقتىرۋدىڭ ەڭ قاۋىپتى فاكتورلارىنىڭ ءبىرى ەكەنىن كورسەتتى»، — دەلىنگەن زەرتتەۋدە.
اۋرۋ جۇقتىرعانداردىڭ تەك 9 پايىزى اۋرۋحاناعا ءتۇستى، سونداي-اق از ادام كوز جۇمدى. دارىگەرلەر مارقۇم ناۋقاستاردىڭ بەلسەندىگى تومەن ەكەنىن انىقتادى. سونىمەن قاتار، ول رەانيماتسياعا ءتۇسۋ قاۋپىن 70 پايىزعا ارتتىردى.
«الەمنىڭ بارلىق ەلدەرىنىڭ دەنساۋلىق ساقتاۋ ورگاندارى مۇنى حالىقپەن جۇمىسىندا ەسكەرۋى كەرەك، بۇل وقشاۋلاۋ كەزىندە فورمانى ساقتاۋ قانشالىقتى قيىن ەكەنىن ەسكەرسەك، وتە ماڭىزدى»، — دەپ اتاپ ءوتتى ماماندار.
