"كوروناۆيرۋس، كەت، كەت كەت" دەپ ءان سالعان مارات وماروۆ شىمكەنتتە توي ۇيىمداستىرعان، - دەپ حابارلايدى "ادىرنا" ۇلتتىق پورتالى دەرەككوزگە سىلتەپ. بۇل تۋرالى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ ءباسپاسوز قىزمەتى مالىمدەدى.
الەۋمەتتىك جەلىلەردە جاريالانعان توي ۆيدەوسى شىمكەنت قالاسىنىڭ "كاراۆان" كافەسىندە تۇسىرىلگەن بولىپ شىقتى. مەرەكەلىك ءىس-شارالارعا تىيىم سالىنعانىنا قاراماستان، ءانشى مارات وماروۆ كافەدە قىز ۇزاتۋ تويىن ۇيىمداستىرعان.
"شىمكەنت قالاسى ءال-فارابي اۋدانى بويىنشا سانيتارلىق-ەپيدەميولوگيالىق باقىلاۋ باسقارماسى ءتارتىپ بۇزۋشىلارعا قاتىستى اكىمشىلىك جازا قولدانۋ ءۇشىن اكىمدىك پەن پوليتسيا دەپارتامەنتىنە حات جولدادى.
وسى جاعداي بويىنشا قابىلدانعان شارالار تۋرالى قوسىمشا حابارلايمىز", - دەپ ۋادە بەردى دەپارتامەنت وكىلدەرى.
مارات وماروۆ ءوز سوزىندە:
«كەيبىرەۋلەر وسى اقپاراتتى پايدالانىپ، بۇل مەن ۇيىمداستىرعان توي دەپ اقپارات تاراتىپ جاتىر. بۇل فاكتپەن قازىردىڭ وزىندە مەنىڭ ادۆوكاتتارىم اينالىسىپ جاتىر. سەبەبى بۇل مەرەكەگە مەنىڭ ەشقانداي قاتىسىم جوق. ينتەرنەتتە تاراتىلعان اقپارات جالعان. مەنىڭ ادۆوكاتتارىم جالعان اقپارات تاراتقانى ءۇشىن سوتقا جۇگىنبەكشى"دەدى.
"ادىرنا" ۇلتتىق پورتالى
