ۋكراينانىڭ گەرمانياداعى توتەنشە جانە وكىلەتتى ەلشىسى اندرەي مەلنيك گەرمانيا ۇكىمەتىن رەسەيمەن اراداعى ەكونوميكالىق قارىم-قاتىناس پەن بايلانىستى ۇزۋگە شاقىردى.
"گەرمانيانى رەسەيمەن اراداعى ساۋدا، ەكونوميكالىق قاتىناستاردى توقتاتۋعا شاقىرامىن. كومىر مەن تەمىر، مۇناي ەكسپورتىمەن قاتار "سولتۇستىك اعىم-2" الىپ جوباسىنان دا باس تارتۋعا، سونىمەن قاتار رەسەيدىڭ گەرمانياداعى وبليگاتسيالارى مەن اكتيۆتەرىن دە بلوكتاۋعا، اگرەسسور ەلگە حالىقارالىق بويكوت قابىلداۋعا شاقىرامىن. ودان دا گەرمانيا قازىرگى كەزدە ۋكراينامەن ساياسي-ديپلوماتيالىق، ەكونوميكالىق جاقىن قارىم-قاتىناستا بولعانى جاقسى بولار ەدى" دەدى،-ءوز سوزىندە مەلنيك.
كەشە عانا رەسەي پرەزيدەنتى اكىمشىلىگىنىڭ باسشىسىنىڭ ورىنباسارى دميتري كوزاك گەرمانيا مەن فرانتسيانى دونباسسقا قاتىستى دۇرىس پوزيتسيا ۇستانباي وتىر دەپ سىناعان بولاتىن.
ۋكراينا مەن رەسەي اراسىندا سوعىس باستالۋعا شاق قالىپ تۇر. بۇگىن اقش-تىڭ سوعىس كەمەلەرى تۇركيا ارقىلى قارا تەڭىزگە بەت الدى. وعان قاراپ وتىرماي، رەسەي تاراپى دا قارا تەڭىزگە ءوزىنىڭ سوعىس كەمەلەرىن جىبەردى.
بەكبولات قارجان،
"ادىرنا" ۇلتتىق پورتالى
