وتكەن تاۋلىكتە شىعىس قازاقستان وبلىسىندا 1 تۇرعىن ءۇيدى جانە ءۇي ماڭىنداعى 3 اۋماقتى سۋ باستى.بۇل تۋرالى توتەنشە جاعداي مينيسترلىگى حابارلادى.
ۆەدومستۆونىڭ مالىمەتى بويىنشا رەسپۋبليكا بويىنشا جاعداي تۇراقتى. ازاماتتىق قورعاۋ قىزمەتتەرى مەن قۇرىلىمدارىنىڭ ءىس-قيمىلىن ۇيلەستىرۋ ءۇشىن 9 وڭىردە رەسپۋبليكالىق جەدەل شتاب قۇرىلدى.
ولار ەلوردا مەن اقمولا، اقتوبە، باتىس قازاقستان، شىعىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىندا ورنالاسقان. توتەنشە جاعدايلار مينيسترلىگىنىڭ حابارلاۋىنشا، بارلىق ايماقتا سۋ تاسقىنىنىڭ الدىن الۋ جۇمىستارى جۇرگىزىلىپ جاتىر.
