ءاليا نازارباەۆا "جاسىل ەل" ەڭبەك جاساقتارى كەڭەسىنىڭ توراعاسى قىزمەتىنە سايلاندى، دەپ حابارلايدى “ادىرنا” ۇلتتىق پورتالى Sputnik قازاقستانعا سىلتەمە جاساپ.
"قازاقستاننىڭ ەكولوگيالىق ۇيىمدارى قاۋىمداستىعى پرەزيديۋمىنىڭ توراعاسى ءاليا نازارباەۆا "جاسىل ەل" ەڭبەك جاساقتارى كەڭەسىنىڭ توراعاسى بولدى. بۇل تۋرالى 5 ساۋىردە وتكەن "جاسىل ەل" ەڭبەك جاساقتارى كەڭەسىنىڭ I وتىرىسىندا جاريالاندى", – دەلىنگەن رەسمي حابارلامادا.
كەڭەس قۇرامىنا سەنات پەن ءماجىلىس دەپۋتاتتارى، قوعام قايراتكەرلەرى، ەكولوگيالىق جانە رەسپۋبليكالىق جاستار ۇيىمدارىنىڭ وكىلدەرى كىردى.
ولار:
ايگۇل سولوۆەۆا – كەڭەس توراعاسىنىڭ ورىنباسارى، "قازاقستاننىڭ ەكولوگيالىق ۇيىمدارى قاۋىمداستىعى" زتب توراعاسىنىڭ ورىنباسارى;
توقتار بولىسوۆ – كەڭەس توراعاسىنىڭ ورىنباسارى، "قازاقستاننىڭ جاستار كونگرەسى" زتب اتقارۋشى ديرەكتورى;
ازامات دانيار – كەڭەس حاتشىسى، "جاسىل ەل"
جەج رەسپۋبليكالىق شتابتىڭ جەتەكشىسى;
نۇرتورە ءجۇسىپ – سەنات دەپۋتاتى;
ەلدوس اباقانوۆ – ءماجىلىس دەپۋتاتى;
ايجان ىسقاقوۆا – ءماجىلىسى دەپۋتاتى;
تىلەكتەس ادامبەكوۆ – ءماجىلىس دەپۋتاتى;
ءمادي احمەتوۆ – ءماجىلىس دەپۋتاتى;
مايا بەكباەۆا – جۋرناليست، تەلەجۇرگىزۋشى، پروديۋسەر، قازاقستان حالقى اسسامبلەياسى توراعاسىنىڭ ورىنباسارى;
ەمين اسكەروۆ – قوعام قايراتكەرى، كاسىپكەر، ەڭبەك جانە حالىقتى الەۋمەتتىك قورعاۋ ءمينيسترىنىڭ كەڭەسشىسى;
تيمۋر ەلەۋسىزوۆ – "تابيعات" ەكولوگيالىق وداق توراعاسىنىڭ ورىنباسارى;
بولات بۇقارباي – بلوگەر، "Jaqsy Bolady" YouTube ارناسىنىڭ اۆتورى.
رەسمي مالىمەتكە سايكەس، بۇگىندە شىمكەنتتەن باسقا بارلىق وبلىستا "جاسىل ەل" ەڭبەك جاساقتارىنىڭ وڭىرلىك شتابتارى بار. جاساق قاتارىنا قوسىلعان ادامداردىڭ سانى 20 مىڭنان اسىپ وتىر. الداعى ۋاقىتتا ولاردى 30 مىڭ ادامعا دەيىن جەتكىزۋ جوسپارلانعان.
