قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدە تاراعان "ۆاكتسينالاۋ ارقىلى ادام اعزاسىنا چيپ ورناتادى ەكەن" دەگەن اقپاراتقا پىكىر ءبىلدىردى، دەپ حابارلايدى “ادىرنا” ۇلتتىق پورتالى Sputnik kz سايتىنا سىلتەمە جاساپ.
جاپپاي ۆاكتسينالاۋ توقتاتىلادى: الماتىدا ەكپە سالۋعا قاتىستى وزگەرىس ەنگىزىلدى
مينيستر مۋسين جاقىندا عانا ەكپە سالدىردى. ول ونلاين-بريفينگ كەزىندە دەنساۋلىق ساقتاۋ سالاسىنا تولىق سەنەتىنىن مالىمدەدى. ءمينيستردىڭ پىكىرىنشە، ەگەر اتالعان ۆەدومستۆو قازاقستان اۋماعىندا ۆاكتسينا قولدانۋعا رۇقسات بەرسە، وندا ول پرەپارات زەرتتەلگەن جانە ەشقانداي كۇمان بولماۋى كەرەك.
باعدات مۋسين ادامدى چيپتەۋگە قاتىستى ءوز ويىن ورتاعا سالدى.
"ۆاكتسينا – ادام اعزاسىنا ەگىلەتىن سۇيىقتىق. ونىڭ تسيفرلىق قۇرالعا اينالاتىنى جايلى اڭگىمەنى ناعىز فانتاستيكا دەر ەدىم. تسيفرلىق سالاداعى بىلىمىمە سۇيەنىپ ايتار بولسام، ۆاكتسينانىڭ ادامزاتتى چيپتەۋگە نەگىز بولۋى ەكىتالاي", - دەپ تۇيىندەدى باعدات مۋسين.
