الماتىدا لوكداۋن ەنگىزىلە مە؟

2094
Adyrna.kz Telegram

الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتارلىق دارىگەرى جانداربەك بەكشين قالانىڭ جابىلۋىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى دەرەككوزگە سىلتەمە جاساپ.

"ارينە، قازىرگى احۋال كۇردەلى. بىراق قىستان بەرى جاساعان دايىندىعىمىز قازىرگى جاعدايدان وتۋگە مۇمكىندىك بەرىپ وتىر. بۇگىندە 7 011 توسەك-ورىن بار. بوس توسەك-ورىن سانى 44,9 پايىز (2 520 ورىن). جانساقتاۋ بولىمىندەگى توسەك-ورىنداردىڭ 62 پايىزى بوس. سوندىقتان جاعداي قوعامدىق دەنساۋلىق ساقتاۋ ۇيىمىنىڭ باقىلاۋىندا، ماسەلە كۇندەلىكتى باقىلاۋدا. الاڭداتاتىن پروبلەما جوق. سەبەبى ءبارى اۋرۋحاناعا دەر كەزىندە جاتقىزىلىپ جاتىر. ولاردىڭ سانى 250-270 شاماسىندا، 500-گە جەتكەن جوق. سوندىقتان قازىرگى تاڭدا لوكداۋن، قالانى جابۋ دەگەن اڭگىمە جوق", - دەدى بەكشين وڭىرلىك كوممۋنيكاتسيالار الاڭىندا وتكەن بريفينگتە.

ايتا كەتەيىك، الماتى بىرنەشە كۇننەن بەرى COVID-19 جۇقتىرعان ناۋقاستار سانى بويىنشا ءبىرىنشى ورىندا تۇر. قالانىڭ ناۋقاستار سانى بويىنشا ءبىرىنشى ورىندا تۇرعانىنا بىرنەشە كۇن بولدى: 4 ساۋىردە - 572 جاعداي، 3 ساۋىردە - 647, 2 ساۋىردە - 647, 1 ساۋىردە - 595, 31 ناۋرىزدا - 515, 30 ناۋرىزدا - 526, 29 ناۋرىزدا - 545.

"ادىرنا" ۇلتتىق پورتالى

پىكىرلەر