Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtarlyq dárigeri Jandarbek Bekshın qalanyń jabylýyna qatysty pikir bildirdi, dep habarlaıdy "Adyrna" ulttyq portaly derekkózge silteme jasap.
"Árıne, qazirgi ahýal kúrdeli. Biraq qystan beri jasaǵan daıyndyǵymyz qazirgi jaǵdaıdan ótýge múmkindik berip otyr. Búginde 7 011 tósek-oryn bar. Bos tósek-oryn sany 44,9 paıyz (2 520 oryn). Jansaqtaý bólimindegi tósek-oryndardyń 62 paıyzy bos. Sondyqtan jaǵdaı Qoǵamdyq densaýlyq saqtaý uıymynyń baqylaýynda, másele kúndelikti baqylaýda. Alańdatatyn problema joq. Sebebi bári aýrýhanaǵa der kezinde jatqyzylyp jatyr. Olardyń sany 250-270 shamasynda, 500-ge jetken joq. Sondyqtan qazirgi tańda lokdaýn, qalany jabý degen áńgime joq", - dedi Bekshın Óńirlik kommýnıkaııalar alańynda ótken brıfıngte.
Aıta keteıik, Almaty birneshe kúnnen beri COVID-19 juqtyrǵan naýqastar sany boıynsha birinshi orynda tur. Qalanyń naýqastar sany boıynsha birinshi orynda turǵanyna birneshe kún boldy: 4 sáýirde - 572 jaǵdaı, 3 sáýirde - 647, 2 sáýirde - 647, 1 sáýirde - 595, 31 naýryzda - 515, 30 naýryzda - 526, 29 naýryzda - 545.
"Adyrna" ulttyq portaly
