اقىلى نەگىزدە وتكەن ۇلتتىق بىرىڭعاي تەستىلەۋ (ۇبت) سىناق تەستىن تاپسىرعان شامامەن 40% تۇلەك مەجەلى ۇپاي جيناي الماعان، دەپ حابارلايدى "ادىرنا" ۇلتتىق پورتالى، Stan.kz اقپارات اگەنتتىگىنە سىلتەمە جاساپ.
ورتالىق كوممۋنيكاتسيالار قىزمەتىندە وتكەن بريفينگ بارىسىندا قازاقستاننىڭ ۇلتتىق تەستىلەۋ ورتالىعىنىڭ ديرەكتورى ديدار سماعۇلوۆ ۇلتتىق بىرىڭعاي تەستىلەۋ باستالعاننان بەرى رەسپۋبليكا بويىنشا 80 مىڭعا جۋىق وقۋشى تەستىلەۋدەن وتكەنىن مالىمدەدى.
"مەجەلى بالدى 60% تۇلەك جينادى. ادەتتەگىدەي، قازاقستاننىڭ وڭتۇستىك وڭىرلەرىندە تۇلەكتەردىڭ ەڭ كوپ سانى تىركەلدى", - دەدى سماعۇلوۆ.
ناۋرىزداعى ۇبت-عا تىركەلۋ 4 ناۋرىزدا باستالدى. تەستىلەۋ 2021 جىلعى 10 ناۋرىز بەن 10 ءساۋىر ارالىعىندا وتەدى. ۇبت تاپسىرۋ قۇنى 2 242 تەڭگەنى قۇرايدى.
بيىل مەجەلى بالل وزگەرىسسىز قالادى (پەداگوگيكالىق ماماندىقتاردان باسقا). رەسپۋبليكالىق جانە جەكە مەنشىك جوعارى وقۋ ورىندارىنا ءوتۋ بالى – 50 بالل، ۇلتتىق جوعارى وقۋ ورىندارىنا جانە اۋىل شارۋاشىلىعى باعىتتارى ماماندىقتارى بويىنشا - 60 بالل، مەديتسينالىق جوعارى وقۋ ورىندارىنا ءتۇسۋ ءۇشىن كەمىندە 75 بالل جيناۋ قاجەت.
بيىل ۇبت-نى 120 مىڭنان استام تۇلەك جانە باسقا دا قاتىسۋشىلار تاپسىرادى دەپ جوسپارلانۋدا. قازاقستان بويىنشا وقۋشىلار ۇبت تاپسىراتىن 51 پۋنكت بازاسىندا سىناق تاپسىرادى.
"ادىرنا" ۇلتتىق پورتالى
