رەسەي فەدەراتسياسىنىڭ جالداۋ شارتىنداعى بايقوڭىر قالاسىنىڭ پروكۋرورى نۇرجان راحمەتوۆ ءوز قالاۋىمەن قىزمەتىنەن كەتتى. ول بۇل تۋرالى ءوزىنىڭ Facebook پاراقشاسىندا حابارلادى.
"قۇرمەتتى دوستار، ارىپتەستەر جانە تۋىستار! مەن بايقوڭىر قالاسىنىڭ پروكۋرورى قىزمەتىنەن عانا ەمەس، جالپى پروكۋراتۋرا جۇيەسىنەن كەتكەنىمدى حابارلايمىن!", – دەپ جازدى ول.
راحمەتوۆ ءوز جازباسىندا مۇنداي شەشىم قابىلداۋعا يتەرمەلەگەن سەبەپتەردى تۇسىندىرمەگەن. بىراق بۇل تاڭداۋ وڭاي بولماعانىن اتاپ وتكەن."بۇل مەنىڭ سانالى قادامىم. مەن ۇزاق ۋاقىت ويلانىپ، وسىنداي شەشىم قابىلدادىم. بۇل مەن ءۇشىن قيىن بولدى. دەگەنمەن، العا جىلجۋدىڭ ۋاقىتى كەلدى. ءوزىمدى مۇلدەم جاڭا نارسەدە سىناپ كورەيىن دەپ ءوز تاڭداۋىمدى جاسادىم", – دەدى ەكس-پروكۋرور.
