Resei Federasiiasynyŋ jaldau şartyndaǧy Baiqoŋyr qalasynyŋ prokurory Nūrjan Rahmetov öz qalauymen qyzmetınen kettı. Ol būl turaly özınıŋ Facebook paraqşasynda habarlady.
"Qūrmettı dostar, ärıptester jäne tuystar! Men Baiqoŋyr qalasynyŋ prokurory qyzmetınen ǧana emes, jalpy prokuratura jüiesınen ketkenımdı habarlaimyn!", – dep jazdy ol. Rahmetov öz jazbasynda mūndai şeşım qabyldauǧa itermelegen sebepterdı tüsındırmegen. Bıraq būl taŋdau oŋai bolmaǧanyn atap ötken. "Būl menıŋ sanaly qadamym. Men ūzaq uaqyt oilanyp, osyndai şeşım qabyldadym. Būl men üşın qiyn boldy. Degenmen, alǧa jyljudyŋ uaqyty keldı. Özımdı müldem jaŋa närsede synap köreiın dep öz taŋdauymdy jasadym", – dedı eks-prokuror.
