جامبىل وبلىسى مەملەكەتتىك كىرىستەر دەپارتامەنتى باسقارماسىنىڭ بۇرىنعى باسشىسى 100 مىڭ دوللار پارا الدى دەگەن كۇدىككە ءىلىندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى مالىمدەدى.
اسا ماڭىزدى ىستەر جونىندەگى تەرگەۋشى دانيار بيعايداروۆتىڭ ايتۋىنشا، سىبايلاس جەمقورلىققا قارسى قىزمەت جامبىل وبلىسى بويىنشا مەملەكەتتىك كىرىستەر دەپارتامەنتى باسقارماسىنىڭ بۇرىنعى باسشىسىنا قاتىستى اسا ءىرى مولشەردە پارا الۋ دەرەگى بويىنشا قىلمىستىق ءىس تەرگەۋىن اياقتادى.
«ول سالىقتىق تەكسەرىستى ۋاقتىلى جانە كەدەرگىسىز اياقتاپ وتىرعانى جانە مكد تاراپىنان باسقا كاسىپورىنداردىڭ كوممەرتسيالىق قىزمەتىن كەدەرگىسىز جۇزەگە اسىرۋعا مۇمكىندىك بەرگەنى ءۇشىن 100 مىڭ دوللار پارا الدى دەگەن كۇدىككە ءىلىندى.
سوتالدى تەرگەۋ اياقتالعانى حابارلاندى، قىلمىستىق ءىس ماتەريالدارىمەن تانىسۋ باستالدى»، – دەدى اسا ماڭىزدى ىستەر بويىنشا تەرگەۋشى.
