دەنساۋلىق ساقتاۋ ءمينيسترى الەكسەي تسوي الماتىعا ءىسساپارى بارىسىندا قالا اكىمى باقىتجان ساعىنتاەۆپەن جانە مەديتسينا قىزمەتكەرلەرىمەن كەزدەستى. جۇزدەسۋدە قازىرگى ەپيدجاعداي جانە كوروناۆيرۋس ينفەكتسياسىنا قارسى كۇرەس بويىنشا قابىلدانىپ جاتقان شارالاردىڭ تيىمدىلىگىن تالقىلاندى، دەپ حابارلايدى “ادىرنا” ۇلتتىق پورتالى.
ا.تسوي كۆي بويىنشا جاعداي مەملەكەت باسشىسى مەن ۇكىمەتتىڭ ەرەكشە باقىلاۋىندا ەكەنىن اتاپ ءوتتى، سوندىقتان الماتىدا COVID-19-عا قاتىستى جاعدايدى تۇراقتاندىرۋ ءۇشىن جەرگىلىكتى اتقارۋشى ورگانداردىڭ، دەنساۋلىق ساقتاۋ مينيسترلىگى، قالالىق دەنساۋلىق ساقتاۋ باسقارماسى ماماندارىنىڭ، جەتەكشى كلينيتسيستەر مەن سانەپيدباقىلاۋ قىزمەتى ماماندارىنىڭ، مەديتسينالىق جانە فارماتسەپتيكالىق باقىلاۋ كوميتەتى قىزمەتكەرلەرىنىڭ قاتىسۋىمەن كوشپەلى شتاب وتكىزۋ تۋرالى شەشىم قابىلداندى.
مينيستر ماسەلەنى ينفەكتسيانىڭ ودان ءارى تارالۋ قاۋپىن، ۆيرۋستىڭ جاڭا مۋتاتسيالارىن ەسكەرە وتىرىپ شەشۋگە نازار اۋداردى.
”ادىرنا” ۇلتتىق پورتالى
