بۇگىن الماتى قالاسىنا جۇمىس ساپارى بارىسىندا دەنساۋلىق ساقتاۋ ءمينيسترى الەكسەي تسوي سانەپيدباقىلاۋ، ايماقتىق دەپارتامەنت ماماندارىنىڭ، جەرگىلىكتى اتقارۋشى ورگان وكىلدەرىنىڭ قاتىسۋىمەن كۆي-مەن كۇرەس جونىندەگى شتابتىڭ كوشپەلى وتىرىسىن وتكىزدى، دەپ حابارلايدى “ادىرنا” ۇلتتىق پورتالى.
دەنساۋلىق ساقتاۋ مينيسترلىگىنىڭ باسشىسى قالاداعى ەپيدەميولوگيالىق احۋالدىڭ باقىلاۋ بولماعاندىقتان ناشارلاعانىن ايتتى. وسىلايشا، ا.تسوي الماتى مەديتسينالىق اكتيۆىنىڭ الدىنا بىرقاتار ماڭىزدى مىندەتتەر قويدى، ولاردى كوروناۆيرۋس ينفەكتسياسىنىڭ ودان ءارى تارالۋ قاۋپىن جويۋ ءۇشىن قىسقا مەرزىمدە شەشۋ قاجەت.
جەدەل رەزەرۆتىك اۋرۋحانا قۋاتىن ارتتىرۋ، كۆي-مەن سىرقاتتانۋشىلىقتىڭ ءوسۋىن باقىلاۋ الگوريتمدەرىن ازىرلەۋ، قالانىڭ ەرەسەك حالقىن بارىنشا قامتۋ ءۇشىن ۆاكتسينالاردىڭ قوسىمشا كولەمىن جەتكىزۋ، ءدارى-دارمەكپەن قامتاماسىز ەتۋ كەرەك. مينيستر العاشقى بۋىن، قالالىق ەمحانالىق قىزمەتتەر دەڭگەيىندە بايلانىستا بولعان ادامداردى ۋاقتىلى انىقتاۋ، تەكسەرۋ جانە باقىلاۋ جونىندەگى ءىس-شارالاردىڭ ورىندالۋىنا نازار اۋداردى.
سونداي-اق، ول كۆي جاعدايلارىنىڭ باقىلاۋسىز وسۋىنە اسەر ەتەتىن كوروناۆيرۋس وشاقتارىن ۋاقتىلى انىقتاۋدىڭ ماڭىزدىلىعىن اتاپ ءوتتى.
جالپى، كۆي-عا قارسى كۇرەس جونىندەگى شتابتىڭ كوشپەلى وتىرىسىنىڭ قورىتىندىسى بويىنشا مينيستر ا.تسوي شەكتەۋ شارالارىن قاتاڭ ساقتاۋدى، بارلىق باعىت بويىنشا ينفەكتسيانى وقشاۋلاۋ جۇمىسىن كۇشەيتۋدى تاپسىردى.
انىقتاما: 25 ناۋرىزداعى جاعداي بويىنشا الماتى قالاسىندا COVID-19 جۇقتىرعان 31 307 ناۋقاس جانە ىقتيمال COVID-19 (پتر -) دياگنوزىمەن 5 498 جاعدايى تىركەلدى. 559 ادام قايتىس بولعان (452 كۆي+, 107 كۆي-).
سوڭعى 7 كۇن ىشىندە 100 مىڭ تۇرعىنعا شاققاندا كۆي+ سىرقاتتانۋشىلىق كورسەتكىشى - 141,0 قۇرادى، RT رەپرودۋكتيۆتى سانى 1,11 قۇرادى. سوڭعى تاۋلىكتە كۆي+ 341 جاعدايى تىركەلدى، ءوسىم 1,1 قۇرادى.
وتكەن اپتادا (18 ناۋرىزدان 24 ناۋرىزعا دەيىن) الدىڭعى اپتامەن سالىستىرعاندا (11 ناۋرىزدان 17 ناۋرىزعا دەيىن) اۋرۋدىڭ 1,3 ەسە ءوسۋى بايقالادى (2 033-تەن 2 659 جاعدايعا دەيىن).
اۋرۋدىڭ ەڭ جوعارى كورسەتكىشى بوستاندىق، اۋەزوۆ، مەدەۋ جانە ناۋرىزباي اۋداندارىندا تىركەلدى.
