1-سىنىپقا قۇجات قابىلداۋ 1 ساۋىردەن باستالادى

2688
Adyrna.kz Telegram

1 ساۋىردەن باستاپ ءبىرىنشى سىنىپقا قۇجاتتاردى قابىلداۋ باستالادى. مەكتەپكە التى جاسقا تولعان جانە وسى جىلى 6 جاسقا تولاتىن بالالار قابىلدانادى، دەپ حابارلايدى «ادىرنا» ءتىلشىسى بعم ءباسپاسوز قىزمەتىنە سىلتەمە جاساپ.

قۇجاتتار "ەلەكتروندىق ۇكىمەت" ۆەب-پورتالى ارقىلى ەلەكتروندىق فورماتتا قابىلدانادى.
مەكتەپكە الدىمەن ايماقتىق قىزمەت كورسەتۋ بويىنشا ءوتىنىش بىلدىرگەن ءۇش ۇمىتكەر، سودان كەيىن عانا قىزمەت كورسەتۋ اۋماعىنان تىس باسقا ايماقتان ءبىر ۇمىتكەر قابىلداناتىنىن ايتا كەتكەن ءجون.ءبىلىم بەرۋ ۇيىمدارىنىڭ مىندەتتى تىزبەدە كورسەتىلمەگەن قۇجاتتاردى تالاپ ەتۋگە قۇقىعى جوق. اتا-انالار ەلەكتروندىق فورماتتا ءوتىنىش، بالانىڭ تۋ تۋرالى كۋالىگى مەن مەديتسينالىق پاسپورتىن، 2 فوتوسۋرەت تاپسىرادى.

بولجام بويىنشا 2021-2022 وقۋ جىلىندا ءبىرىنشى سىنىپقا باراتىن وقۋشىلاردىڭ سانى شامامەن 340 مىڭ بالانى قۇرايدى.

«ادىرنا» ۇلتتىق پورتالى

پىكىرلەر