قازاقستاننىڭ باس سانيتار دارىگەرى ەرلان قياسوۆ مەكتەپ وقۋشىلارىنىڭ ءتورتىنشى توقساندا قالاي وقيتىنىن ايتتى، دەپ حابارلايدى «ادىرنا» ءتىلشىسى.
2020-2021 وقۋ جىلىنىڭ ءتورتىنشى توقسانىندا رەسپۋبليكانىڭ بارلىق وڭىرلەرىندە كونتينگەنتى 300 وقۋشىعا دەيىن قالالىق جانە اۋىلدىق مەكتەپتەردە سىنىپتارداعى بالالار سانىن 25 ادامنان اسىرماي ءداستۇرلى فورماتتا وقىتۋعا رۇقسات بەرىلدى.
سونداي-اق:
ء–بىلىم بەرۋ ۇيىمى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا;
– تاۋەكەلى تومەن جانە ورتاشا ايماقتاردا (جاسىل جانە سارى ايماقتار) ورنالاسقان وڭىرلەردەگى جالپى ءبىلىم بەرەتىن مەكتەپتەردە بارلىق سىنىپتاردىڭ وقۋشىلارى ءۇشىن سىنىپتارداعى بالالار سانىن 25 ادامنان اسىرماي ارالاس فورماتتا وقىتۋعا بولادى.
تاۋەكەلى جوعارى ايماقتا (قىزىل ايماق) ورنالاسقان وڭىرلەردە جالپى ءبىلىم بەرەتىن مەكتەپتەر 1 سىنىپتان باستاپ 5 سىنىپتى قوسا العاندا، حالىقارالىق مەكتەپتەردە 1 سىنىپتان باستاپ 7 سىنىپتى قوسا العاندا، مەكتەپ الدى سىنىپتارىنىڭ وقۋشىلارى ءۇشىن سىنىپتارداعى بالالار سانىن 25 ادامنان اسىرماي ارالاس فورماتتا وقيدى.
وقۋ بىتىرەتىن سىنىپتار (9, 11 (12) سىنىپتار) ءۇشىن اپتانىڭ 6 كۇنى ىشىندە: پاندەردىڭ 70%-ىن شتاتتىق رەجيمدە، 30%-ىن قاشىقتىقتان ارالاس فورماتتا وقىتۋعا رۇقسات ەتىلدى.
«ادىرنا» ۇلتتىق پورتالى
