نۇر-سۇلتان قالاسىنىڭ اكىمدىگى تۇرعىنداردى كارانتيندىك شارالاردى ساقتاۋعا شاقىردى، دەپ حابارلايدى «ادىرنا» ءتىلشىسى قالا اكىمدىگىنىڭ رەسمي سايتىنا سىلتەمە جاساپ.
سوڭعى اپتادا نۇر-سۇلتاندا سىرقاتتانۋشىلىق دەڭگەيى الدىڭعى اپتادان 76%-عا جوعارى، ياعني 100 مىڭ تۇرعىنعا شاققانداعى قارقىندى كورسەتكىش — 106,96 قۇراعان. رەپرودۋكتيۆتى سانى — 1,506.
سىرقاتتانۋشىلىق كورسەتكىشىنىڭ ارتۋىنا بايلانىستى ەلوردا 10 ناۋرىزدان باستاپ ەپيدەميولوگيالىق جاعداي بويىنشا «قىزىل ايماقتا» ەندى.
نۇر-سۇلتان قالاسىندا وسى جىلدىڭ 22 ناۋرىزىندا COVID-19 ينفەكتسياسىن جۇقتىرعان 28 248 جاعداي تىركەلدى (ونىڭ ىشىندە 17 947 — سيمپتومدى جانە 10301 —سيمپتومسىز).
تاۋلىگىنە 203 راستالعان العاشقى زەرتحانالىق جاعداي تىركەلگەن (سيمپتومدارى بار 136 جاعداي، 67 سيمپتومسىز جاعداي), ءوسىم — 0,85%.
تىركەلگەن 136 سيمپتومدىق جاعدايدىڭ 39-ى بايلانىستا بولعان ادامدار اراسىندا انىقتالدى، 97-ءسى — ءوز ءوتىنىشى بويىنشا.
وسى جىلدىڭ 22 ناۋرىزىندا 67 سيمپتومسىز جاعداي انىقتالدى، ونىڭ ىشىندە بايلانىستا بولعان ادامدار اراسىندا — 53.
ءبىر تاۋلىك ىشىندە 14 جاسقا دەيىنگى بالالار اراسىندا اۋرۋدىڭ 39 جاعدايى انىقتالدى.
انىقتالعان — 357 بايلانىستا بولعان تۇلعالار، بارلىق جۇمىس ىستەپ تۇرعان وشاقتار – 1321, ونىڭ ىشىندە: ءۇي – 834 (بايلانىستا بولعاندار سانى — 1497), ۇيىمداستىرىلعان – 487 (ۇيىمداسقان ۇجىمدارداعى بايلانىستا بولعاندار — 1917).
«قۇرمەتتى ەلوردا تۇرعىندارى مەن قوناقتارى!
نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى كارانتيندىك شارالاردى قاتاڭ ساقتاۋدى ۇسىنادى:
- ماسكا رەجيمى;
- ادام كوپ جينالاتىن ورىندارعا بارماۋ (ەستەلىك ءىس-شارالار، تۋعان كۇندەر، مەرەيتويلار، شىعارىپ سالۋ، قۇدالىق، ۇيلەنۋ تويلارى، بەتاشار جانە باسقا دا ءىس-شارالار);
- الەۋمەتتىك قاشىقتىق;
- قولدى سابىنمەن ءجيى جۋىڭىز نەمەسە انتيسەپتيكپەن زارارسىزداندىرىڭىز.
قالاداعى كوروناۆيرۋستىق ينفەكتسيا بويىنشا ەپيدەميولوگيالىق جاعدايدى ەسكەرە وتىرىپ، ءوز دەنساۋلىعىڭىزعا جانە جاقىندارىڭىزدىڭ دەنساۋلىعىنا جاۋاپكەرشىلىكپەن قاراۋدى سۇرايمىز!»–دەدى ۆەدومستۆو.
«ادىرنا» ۇلتتىق پورتالى
