ەلىمىزدەگى ەپەدەميولوگيالىق احۋالعا بايلانىستى شىمكەنتتە ناۋرىز مەرەكەسى جاپپاي تويلانبايدى. وسىعان وراي
"جىل باسى - ءاز ناۋرىز" دۋماندى ءىس-شاراسى تەك تەلەۆيزيالىق نۇسقادا ۇسىنىلادى (ۋاقىتى قوسىمشا حابارلانادى).
21-نەن 22-نە قاراعان ءتۇنى "ناۋرىز بەلگىسى" سانالاتىن قىدىر بابا، جەر انا سەكىلدى كەيىپكەرلەر جاڭا جىلدى، ياعني جاڭا كۇننىڭ شىعۋىن قارسى الادى. مەرەكەلىك قويىلىم، ءان-بي بارلىعى ارنايى ءتۇسىرىلىپ، قالا تۇرعىندارىنا مەرەكەلىك كوڭىل كۇي سىيلاۋ ماقساتىندا تەلەديداردان كورسەتىلەدى.
«جىل باسى-ءاز ناۋرىز» مەرەكەسىنىڭ ارنايى تۇسىرىلىمىنە دايىندىق جۇمىستارى ەسكى قالاشىق (تسيتادەل) جانىندا بوي كوتەرىپ كەلە جاتقان «شىمقالا- ەتنو اۋىل» اتتى جاڭا قۇرىلىس اۋماعىندا اتقارىلۋدا. جاڭا نىسان قۇرىلىسى اياقتالعاننان كەيىن ەل يگىلىنە بەرىلەدى.
قۇرمەتتى قالا تۇرعىندارى مەن قوناقتارى!
مەرەكە كەزىندە كارانتين تالاپتارىن ساقتاپ، قاراپايىم ساقتىق شارالارىن ۇستانۋعا شاقىرامىز.
بارشاڭىزعا مەرەكە قۇتتى بولسىن!
شىمكەنت قالاسى اكىمدىگىنىڭ ءباسپاسوز قىزمەتى
