«ناۋرىز شىمكەنتتە باستالادى» ونكۇندىگى اياسىندا 18 ناۋرىز - «يگى ىستەر» كۇنى بولىپ بەكىتىلگەن. وسىعان وراي، قالا اكىمى مۇرات ايتەنوۆتىڭ قولداۋىمەن «ناۋرىز تال» اكتسياسى ءوتتى.
ءداستۇر بويىنشا ىلگەرىدەن ناۋرىز مەرەكەسىن ەل بولىپ اعاش وتىرعىزۋدان، ارىق تازالاپ، كوگالداندىرۋ ءراسىمىن وتكىزۋدەن باستاعان.
بۇگىن شاھاردا قالا تۇرعىندارى اعاش ەگىپ، يگى ءداستۇردى جالعاستىردى. اكتسياعا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، قالالىق ءماسليحات حاتشىسى باحادىر نارىمبەتوۆ باستاعان دەپۋتاتتار، ەرىكتىلەر مەن قالا تۇرعىندارى قاتىستى.
«ەكو-سانا» قوزعالىسىنىڭ باستاماشىلىعىمەن قولعا الىنعان اكتسيا شەڭبەرىندە 8-شاعىناۋدانداعى اللەياعا 42 كوشەت ەگىلدى. بۇل جولعى ەگىلگەن ءار كوشەتكە QR كودى ورناتىلعان. كوشەت وتىرعازعان ادامعا اي سايىن ءموبيلدى قوسىمشا ارقىلى سۋارۋ مەن كۇتىپ باپتاۋ جونىندە حابارلاما بارىپ تۇرادى.
بۇگىنگى «ناۋرىز تال» قالالىق اكتسياسى ەل تاۋەلسىزدىگىنىڭ 30 جىلدىعىنا ارنالعان «قايىرىمدى ىستەر مارافونى» جالپى ۇلتتىق جوباسى شەڭبەرىندە ۇيىمداستىرىلدى.
فوتو: سەرىك كوساەۆ
شىمكەنت قالاسى اكىمدىگىنىڭ ءباسپاسوز قىزمەتى
