بالا وقىتۋدا الدىنا جان سالمايتىن، ەڭبەكقور، ىزدەنىمپاز، بار ءومىرىن مۇعالىمدىك جولعا ارناعان جارقىن تۇلعالاردىڭ ءبىرى - قانىمكۇل بەديلوۆا.
بۇگىندە قانىمكۇل القارقىزى №37 «ايگەرىم» كوررەكتسيالىق بالاباقشاسىندا پەداگوگ.
بالا جۇرەگىنە جول تاۋىپ، بالانىڭ قاجەتتىلىگىنە وراي ءبىلىم بەرۋگە تىرىساتىن ۇلاعاتتى ۇستاز ەرەكشە بالالارمەن جۇمىس جۇرگىزۋدە ولاردىڭ جەكە تۇلعا رەتىندە قالىپتاسۋىنداعى ۇلەسى وراسان.
پەداگوگيكالىق ءوتىلى-35 جىلدى قامتىسا، سونىڭ ىشىندە 16 جىلى - №37 «ايگەرىم» بالاباقشاسىندا ەرەكشە بالالارمەن جۇمىس جاساۋعا ارناعان. ۇنەمى ىزدەنىس ۇستىندە ءبىلىمىن جەتىلدىرىپ وتىراتىن ول «ۇستاز نۇرى»، «بولاشاق» گازەتتەرىنە اۋقىمدى ماقالالار جيناعىن جاريالاپ وتىرادى. سونىمەن قاتار، «ۇلت مەكتەبى» جۋرنالىندا «رۋحاني جاڭعىرۋ زاماننىڭ جەتىستىگى» جايلى ماقالاسى جاريالانعان.
اباي اتامىز ايتقانداي «ۇستازدىق ەتكەن جالىقپاس، ۇيرەتۋدەن بالاعا» دەگەندەي جاس ماماندارعا ءوز ءبىلىمىن ۇيرەتۋدەن جالىقپاعان ابزال جان جوعارى ساناتتى تاربيەشى. قازىرگى ۋاقىتتا بالاباقشادا جاڭا تەحنولوگيالاردى پايدالانا وتىرىپ جۇمىس جۇرگىزۋدە.
ءبىلىم سالاسىنا قوسقان ۇلەسى ءۇشىن قانىمكۇل القارقىزى كوپتەگەن العىس حاتتارمەن ماراپاتتالعان.
شىمكەنت قالاسى اكىمدىگىنىڭ ءباسپاسوز قىزمەتى
➖➖➖➖➖➖➖➖➖➖➖➖➖➖➖➖
