19 ناۋرىزدا جوعالىپ كەتكەن الماتىلىق اياجان ەدىلوۆانىڭ ءمايىتى تابىلدى. الماتى پوليتسياسى كۇدىكتىنى ۇستادى، - دەپ حابارلايدى Tengrinews.kz.
اياجاننىڭ اپكەسى پوليتسياعا 2021 جىلدىڭ 20 ناۋرىزىندا ءسىڭلىسى جوعالىپ كەتكەنىن ايتقان.
"حابار-وشارسىز كەتكەن ادامدى تاۋىپ، ونىڭ جوعالۋ جاعدايلارىن انىقتاۋ ءۇشىن جەدەل تەرگەۋ توبى قۇرىلدى. جەدەل ىزدەۋ ءىس-شاراسى بارىسىندا قىز جوعالىپ كەتكەن كۇنى جاڭا تانىسىمەن كەزدەسپەك بولعانى انىقتالدى، ونىمەن الەۋمەتتىك جەلىلەردە تانىسقان. تۇركىستان وبلىسىنىڭ تۇرعىنى، 1993 جىلى تۋعان كۇدىكتى ۇستالدى. قىلمىس جاساۋدىڭ سەبەبى مەن ءتاسىلىن انىقتاۋ ماقساتىندا تەرگەۋ امالدارى جۇرگىزىلىپ جاتىر", - دەدى الماتى پد كريمينالدىق پوليتسيا باسقارماسىنىڭ باستىعى ەركىن ىڭكاروۆ.
بۇل ءىس بويىنشا قر قىلمىستىق كودەكسىنىڭ 99-بابى 2-بولىگى ("ادام ءولتىرۋ") بويىنشا قىلمىستىق ءىس قوزعالدى.
بۇعان دەيىن 19 جاستاعى اياجان ەدىلوۆا كەشكە جاقىن جۇمىستان شىققاننان كەيىن ۇيىنە ورالماعانى حابارلانعان ەدى.
