قىلمىستىق-اتقارۋ جۇيەسى مەكەمەلەرىندە كوروناۆيرۋستىق ينفەكتسياعا قارسى ۆاكتسيناتسيا باستالدى، دەپ حابارلايدى «ادىرنا» ءتىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.
ەگۋ ءىس-شارالارىن قاج-دىڭ بارلىق اۋماقتىق دەپارتامەنتتەرىندە جۇرگىزۋ جوسپارلانۋدا.
«1 اقپاننان باستاپ قازاقستاندا «سپۋتنيك V» ۆاكتسيناسىن پايدالانا وتىرىپ، حالىقتى كوروناۆيرۋستىق ينفەكتسياعا قارسى جاپپاي ۆاكتسيناتسيالاۋ باستالدى. قر باس مەملەكەتتىك سانيتاريالىق دارىگەرىنىڭ 2021 جىلعى 27 قاڭتارداعى № 3 قاۋلىسىنا سايكەس جۇقتىرۋ قاۋپى جوعارى، اسىرەسە ۆيرۋس جۇقتىرۋعا جانە ونىڭ تارالۋىنا بەيىم ادامداردىڭ ءتىزىمى انىقتالدى. قازىرگى ۋاقىتتا وسى ناۋقاندى حالىقتىڭ تىركەلۋ ءتىزىلىمى شەڭبەرىندە قاج مەكەمەلەرىندە ۇستالاتىن جۇقتىرۋ قاۋپى باسىم توبى اراسىندا وتكىزۋ ماسەلەسى پىسىقتالۋدا»،-دەلىنگەن حابارلامادا.
ەگۋدى ەنگىزۋ بويىنشا العاشقى مەكەمە استانالىق قونىس-كولونياسى، ياعني نۇر-سۇلتان قالاسى بويىنشا قاجد ەتس-166/10 مەكەمەسى بولعان.
ۆاكتسيناتسيا جۇمىستارى 9 ناۋرىزدا باستالعان. وسى كەزەڭدە 100-گە جۋىق سوتتالعانعا ۆاكتسيناتسيا ءساتتى جۇرگىزىلدى، 60 ادام پرەپاراتتى قابىلداۋدان باس تارتقان.
ايتا كەتەيىك، بۇعان دەيىن اقمولا، اقتوبە، جامبىل جانە قىزىلوردا وبلىستارىنىڭ قاج جەكە قۇرامى ۆاكتسيناتسيادان ءوتتى، قالعان قاج دەپارتامەنتتەرى ۆاكتسينالاۋدى وتكىزۋ كەستەسىنە سايكەس ۆاكتسينانى الادى.
ەگىلەتىن ادام ءوز ەركىمەن كەلىسىمگە نەمەسە ەگۋدى جۇرگىزۋدەن باس تارتۋعا قول قويادى. پروتسەدۋرا 21 كۇندىك ارالىقتا 2 كەزەڭنەن تۇرادى.
COVID-19-عا قارسى ۆاكتسيناتسيا جۇرگىزۋ الدىندا مىندەتتى تۇردە ەگىلەتىن ادامدى مەديتسينالىق قىزمەتكەر قارايدى، مىندەتتى تۇردە تەرمومەتريا جۇرگىزىلەدى جانە ەگىلەتىن ادامدا اللەرگيالىق رەاكتسيالاردىڭ، سوزىلمالى اۋرۋلاردىڭ بولۋىنا اڭگىمەلەسۋ جۇرگىزىلەدى. ءجىتى ينفەكتسيالىق جانە ينفەكتسيالىق ەمەس اۋرۋلار بولعان جاعدايدا ۇدەمەلى سوزىلمالى اۋرۋلارى جانە اللەرگيالىق رەاكتسيالارى بار ناۋقاستارعا ۆاكتسيناتسيا جاسالمايدى.
ەگىلگەن ادامدار 30 مينۋت بويى مەديتسينالىق بولىمدە باقىلاۋدا بولادى. مەديتسينا قىزمەتكەرلەرى مەن قاج قىزمەتكەرلەرىن ۆاكتسيناتسيالاۋ پوليتسيا دەپارتامەنتتەرىنىڭ ەمحانالارىندا، كۇدىكتىلەردى، ايىپتالۋشىلار مەن سوتتالعانداردى ۆاكتسيناتسيالاۋ پەنيتەنتسيارلىق جۇيە مەكەمەلەرىنىڭ مەديتسينالىق بولىمدەرىندە جۇزەگە اسىرىلادى.
ەسكە سالا كەتەيىك، ەلىمىزدە بارلىعى 80 مەكەمە جۇمىس ىستەيدى، وندا ۇستالاتىنداردىڭ سانى شامامەن 32 مىڭ ادامدى قۇرايدى.
«ادىرنا» ۇلتتىق پورتالى
