قاسىم-جومارت توقاەۆ تۇركىستان وبلىسىنىڭ اكىمشىلىك-اۋماقتىق قۇرىلىسىنداعى وزگەرىستەر تۋرالى جارلىققا قول قويدى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن:
1. تۇركىستان وبلىسىنىڭ قۇرامىندا اكىمشىلىك ورتالىعى شورناق اۋىلىندا ورنالاساتىن ساۋران اۋدانى اكىمشىلىك-اۋماقتىق بىرلىگى كەنتاۋ قالاسىنىڭ قۇرامىنان شاعا، جاڭا يقان، ەسكى يقان، ۇشقايىق، ياسسى، ورانعاي، قاراشىق، جۇينەك، بابايقورعان، شورناق، جىبەك جولى، مايدانتال اۋىلدىق وكرۋگتەرىن ءبولۋ جولىمەن قۇرىلسىن.
2. قازاقستان رەسپۋبليكاسىنىڭ ۇكىمەتى وسى جارلىقتىڭ 1-تارماعىن ىسكە اسىرۋ جونىندە قاجەتتى شارالار قابىلداسىن.
3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى»،– دەلىنگەن حابارلامادا.
«ادىرنا» ۇلتتىق پورتالى
