الماتى ماڭىندا «نۇر-سۇلتان - الماتى» باعىتى بويىنشا ۇشىپ كەلگەن قر ۇقك-نە تيەسىلى ان-26 ۇشاعى قۇلادى، دەپ حابارلايدى «ادىرنا» ءتىلشىسى.
الدىن الا مالىمەت بويىنشا، اسكەري ۇشاق اپاتىنان 4 ادام قازا تاۋىپ، 2 ادام زارداپ شەككەن. قازىرگى تاڭدا ۇشاقتىڭ ءورتى اۋىزدىقتالدى.
مەملەكەت باسشىسى Twitter جەلىسىندەگى پاراقشاسىندا قازا بولعانداردىڭ تۋىستارى مەن جاقىندارىنا كوڭىل ايتتى.
«الماتى اۋەجايىندا اپاتقا ۇشىراعان ۇشاقتا قازا بولعان اسكەري قىزمەتكەرلەردىڭ تۋىستارى مەن جاقىندارىنا كوڭىل ايتامىن. جاراقات العانداردىڭ تەزىرەك ساۋىعىپ كەتۋىن تىلەيمىن. مەنىڭ تاپسىرمام بويىنشا اۋە اپاتىنىڭ سەبەپتەرىن انىقتاۋ جۇمىستارى باستالدى. بۇنداي وقىس وقيعالار قايتالانباۋى كەرەك»،- دەدى ول.
«ادىرنا» ۇلتتىق پورتالى
