ديماش قازاقستاننىڭ دەنساۋلىق سالاسىنا 500 مىڭ دوللار سىيعا تارتتى

9880
Adyrna.kz Telegram

ديماش قۇدايبەرگەن قازاقستاننىڭ دەنساۋلىق سالاسىنا 500 مىڭ دوللار سىيعا تارتتى، دەپ حابارلايدى «ادىرنا» ءتىلشىسى zakon.kz-كە سىلتەمە جاساپ.

بۇل تۋرالى C.U.R.E ۇكىمەتتىك ەمەس قايىرىمدىلىق قورىنىڭ پرەزيدەنتى دۋگلاس دجەكسون ءمالىم ەتتى.

"ديماش C.U.R.E جوباسىنىڭ امباسسادورى رەتىندە حالىقارالىق ايەلدەر كۇنىنە وراي وتكىزىلگەن ونلاين فورماتتاعى تويلاۋ شاراسىنا قاتىسىپ، ءان سالدى. ودان تۇسكەن شامامەن جارتى مىڭ دوللار اقشا ءدارى-دارمەك پەن مەديتسينالىق جابدىقتار ساتىپ الۋعا جۇمساۋ ءۇشىن قازاقستانعا تابىستالادى", - دەدى ول.

ونلاين فورماتتا وتكەن شارادا ديماش ءسوز سويلەدى. ودان سوڭ قيىن-قىستاۋ - پاندەميا كەزىندە مەديتسينا قىزمەتكەرلەرىنە ارنالعان ءانىنىڭ بەينەبايانى كورسەتىلدى.

"ديماش جىلدىڭ باسىندا ونلاين كونتسەرت وتكىزدى. ودان تۇسكەن تابىستىڭ ءبىر بولىگىن ول قازاقستاننىڭ دەنساۋلىق سالاسىنا بەردى. 500 مىڭ دوللار ءدارى-دارمەك پەن مەديتسينالىق قۇرال-جابدىقتار ساتىپ الۋ ءۇشىن جۇمسالاتىنى ايتىلدى. وسى جاعداي ءبىزدىڭ ونىمەن جاقىن تانىسۋىمىزعا تۇرتكى بولدى. ءسويتىپ ونى ءوزىمىزدىڭ باس امباسسادورىمىز رەتىندە تاعايىندادىق. ونىڭ مەديتسينا قىزمەتكەرلەرىنىڭ جانكەشتىلىگى مەن قاھارماندىعىنا ارنالعان ءانى بار",- دەلىنگەن قوسىمشا اقپاراتتا.

«ادىرنا» ۇلتتىق پورتالى

پىكىرلەر