وقو شىمكەنت قالاسى وبلىستىق ورتالىق مەشىتىندە اجەلەر مەكتەبىنىڭ سالتاناتتى اشىلۋ شاراسى ءوتتى، دەپ حابارلايدى «ادىرنا» ءتىلشىسى قمدب-نىڭ شىمكەنت قالاسى بويىنشا ءباسپاسوز قىزمەتىنە سىلتەمە جاساپ.
سالتاناتتى شاراعا شىمكەنت قالاسىنىڭ باس يمامى باقداۋلەت قاجى نۇرماتۇلى، نايب يمام ءارى يحسان ءىلىمى باعىتىنىڭ جەتەكشىسى مۇحامەدجان ەستەمىروۆ، قالالىق ءىس باسقارۋشى ازامات ابدىكەرىمۇلى، «ايەل-قىزدار» سەكتورىنىڭ جەتەكشىسى بالجان دوسجانوۆا جانە «اجەلەر» مەكتەبىنىڭ مۇشەلەرى قاتىستى.
يگى شارا بارىسىندا شىمكەنت قالاسىنىڭ باس يمامى باقداۋلەت قاجى نۇرماتۇلى ءسوز الىپ، قمدب توراعاسى، باس ءمۇفتي ناۋرىزباي قاجى تاعانۇلىنىڭ باستاماسى اياسىندا اشىلىپ وتىرعاندىعىنا ايرىقشا توقتالىپ، رۋحاني تاربە جۇمىسىندا انالاردىڭ ورنى ەرەكشە ەكەندىگىن اتاپ، انالارمىزدىڭ جۇمىسىنا ساتتىلىك تىلەدى.
«ادىرنا» ۇلتتىق پورتالى
