OQO Shymkent qalasy oblystyq ortalyq meshitinde ájeler mektebiniń saltanatty ashylý sharasy ótti, dep habarlaıdy «Adyrna» tilshisi QMDB-nyń Shymkent qalasy boıynsha baspasóz qyzmetine silteme jasap.
Saltanatty sharaǵa Shymkent qalasynyń bas ımamy Baqdáýlet qajy Nurmatuly, naıb ımam ári Ihsan ilimi baǵytynyń jetekshisi Muhamedjan Estemirov, qalalyq is basqarýshy Azamat Ábdikerimuly, «Áıel-qyzdar» sektorynyń jetekshisi Baljan Dosjanova jáne «Ájeler» mektebiniń músheleri qatysty.
Igi shara barysynda Shymkent qalasynyń bas ımamy Baqdáýlet qajy Nurmatuly sóz alyp, QMDB Tóraǵasy, Bas múftı Naýryzbaı qajy Taǵanulynyń bastamasy aıasynda ashylyp otyrǵandyǵyna aıryqsha toqtalyp, rýhanı tárbe jumysynda analardyń orny erekshe ekendigin atap, analarmyzdyń jumysyna sáttilik tiledi.
«Adyrna» ulttyq portaly
