قىرعىزستان استاناسى بىشكەكتە حالىق كونستيتۋتسياعا ەنگىزىلەتىن وزگەرىستەرگە قارسى نارازىلىق ءبىلدىردى. ولار پارلامەنتتىڭ تاراتىلۋىن تالاپ ەتۋدە.
«اق ءۇي» ماڭىندا وتكەن ميتينگكە 50 شاقتى ادام جينالعان. ايتا كەتسەك، ناۋرىزدىڭ 3-دە جوعارعى كەڭەس دەپۋتاتتارى اتا زاڭعا وزگەرىستەر ەنگىزۋ تۋرالى زاڭ جوباسىن قابىلدادى. الايدا مامانداردىڭ حابارلاۋىنشا، داۋىس بەرۋ بارىسىندا ەرەجەلەر ورەسكەل بۇزىلعان.
ميتينگكە جينالعاندار ەل پرەزيدەنتى سادىر جاپاروۆتى جاڭا كونستيتۋتسيا ارقىلى بيلىكتى زاڭسىز باسىپ الماق دەپ ايىپتاپ، تالاپتار ورىندالماسا، شەرۋلەردى جالعاستىراتىنىن ايتتى.
يسحاك ماساليەۆ، ميتينگكە قاتىسۋشى:
بىلتىر قازاننىڭ 28-دە پارلامەنتتىڭ ۋاكىلەتتىگى توقتادى. سوندىقتان ونىڭ زاڭعا وزگەرىس ەنگىزۋگە ەش قۇقىعى جوق. دەپۋتاتتاردىڭ بۇل ارەكەتى زاڭسىز. ءبىز جاڭا پارلامەنت قۇرامىن جاساقتاۋدى اياقتاۋ قاجەت دەپ ويلايمىز. سودان كەيىن عانا زاڭ رەفورماسى جۇرگىزىلۋى ءتيىس.
