قاراعاندىدا ۋنيۆەرسيتەتسكايا كوشەسىندەگى پاتەرلەردىڭ بىرىندە زورلىق-زومبىلىق بەلگىلەرىمەن 36 جاستاعى ەر ادامنىڭ دەنەسى تابىلدى، دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
وقيعاعا قاتىستى قىلمىستىق كودەكستىڭ 99-بابىنا سايكەس ("ادام ءولتىرۋ") قىلمىستىق ءىس تىركەلدى.
جەدەل-ىزدەستىرۋ شارالارى كەزىندە كۇدىكتى ۇستالدى. ونىڭ 33 جاستاعى قالا تۇرعىنى ەكەنى انىقتالىپ وتىر.
ول تانىسىمەن پاتەردە ىشىمدىك ءىشىپ وتىرىپ، سوزگە كەلىپ قالعانىن ايتتى. سوڭى ادام ولتىرۋمەن اياقتالدى. قازىرگى ۋاقىتتا تەرگەۋ ءجۇرىپ جاتىر.
بىرقاتار باق ءمايىت بولشەكتەلگەنىن جازۋدا. كۇدىكتى دەنەنى قوقىسقا لاقتىرۋعا ازىرلەگەن.
