مەديتسينا مەن ءبىلىم سالاسىنىڭ تەگىن، ازىق تۇلىكتىڭ كەيبىرەۋلەرىن حالىققا تەگىن تاراتاتىن، بايلار مەن كەدەيلەر اراسىنداعى ايىرماشىلىقتىڭ وتە از دەڭگەيىندەگى، حالىقتىڭ كوبىسىنىڭ بىردەي ايلىققا جۇمىس ىستەيتىن، جاستاردىڭ بولاشاقتا كىم بولامىن دەگەن جوسپار ونشا كوپ قۇرمايتىن كۋبا دەگەن ەل بار.
امەريكانىڭ سانكتسياسى ەسەبىنەن ومىرلەرى 1960-ىنشى جىلعىمەن قالىپ قالعان كۋباعا فيدەل كاسترو سول كەزدەگى امەريكانىڭ قويعان پرەزيدەنتىن توڭكەرىپ بيلىك باسىنا كەلدى. ەڭ الدىمەن امەريكاندىقتاردان قالعان بايلىقتى حالىققا تەڭدەي تاراتىپ بەردى. كسرو-نىڭ دا كومەگىمەن ازىق تۇلىكتى دە تەگىن تاراتاتىن بولدى. 1960 جىلىندا حالقىنىڭ 10%-ى عانا حات تانيتىن بولسا قازىر 99.8% حالىق حات تانيدى. 1991-ءىنشى جىلى كسرو-نىڭ ىدىراۋىمەن كۋبا سىرتقى ساۋداسىنىڭ 80%-ىن جوعالتتى. سول جىلى ەكونوميكاسىنىڭ 60%-ىن جوعالتتى.
كۋبانىڭ ەكسپورتىنىڭ 80%-ى قانت ەدى. ءبارى توقتاپ قالدى. ارينە امەريكانىڭ كەسىرىنەن. امەريكا باسقا ەلدەرگە دە كۋبامەن ساۋدا ساتتىق جاساۋدى توقتاتىپ قويدى. كۋبامەن ساۋدا ساتتىق جاساعان ەلدەرگە امەريكامەن ساۋدا ساتتىق جاساۋعا بولمايتىنداي ەتتى. كۋباعا بارعان كەمەلەر 6 اي امەريكاعا بارا المايتىن. كەدەيلەنگەن كۋبادا قازىر ورتاشا ايلىق 30-40 دوللار شاماسىندا. ەڭ كوپ ايلىق الاتىن دوكتورلار دا 50 دوللار شاماسىندا الادى. حالقىنىڭ 90%-ىنىڭ ءۇيى بار. قازىر كۋبانىڭ حالقى كوبىنەسە تۋريستتەردىڭ ارقاسىندا كۇن كورەدى. تاكسيستتەر بارىنەن كوپ اقشا تابادى.
2008-گە دەيىن حالىققا تەلەفون ۇستاۋعا رۇقسات ەتىلمەيتىن. 2012-گە دەيىن تەك قانا وتەلدەردە ينتەرنەت بولاتىن. ءموبيلدى ينتەرنەت 2019-دا رۇقسات ەتىلدى. بىراق ينتەرنەت وتە قىمبات بولعاندىقتان (30 دوللار شاماسىندا) ءبىر كۋبالىقتىڭ ورتاشا ايلىعى. كوپ ادامنىڭ شاماسى جەتە بەرمەيدى. كەدەي ەلدىڭ حالقى كوبىنەسە شەتەلدەگى كۋبالىقتاردىڭ ەسەبىنەن كۇن كورەدى. ۇلتتىق قۇراما بوكسشىلارى كەيدە بارعان ەلدەرىنەن ەلىنە قايتپاي قوياتىن ادەتتەرى بار.
ءسابيت رىسباەۆ
"ادىرنا" ۇلتتىق پورتالى
