جامبىل وبلىسىندا جايىلىپ تۇرعان سوعىم ەتى ۇرلاندى. جىلقى مەن قوي ەتىن ۇپتەپ كەتكەن ۇرى الىستان كەلمەپتى.
كەلەڭسىز وقيعا تۇرار رىسقۇلوۆ اۋدانى كوگەرشىن اۋىلىندا بولعان. ىزدەستىرۋ شارالارى بارىسىندا كۇدىككە سول ءۇيدىڭ 33 جاستاعى كۇيەۋ بالاسى ىلىككەن.
ول مالدى سويۋعا سول كۇنى قايىن جۇرتىنا جاردەمدەسىپ جۇرگەن. ءتۇن اۋا ەت جايىلعان قورانىڭ ەسىگىن بۇزىپ كىرىپ، تۇگىن قالدىرماي الىپ كەتكەن، دەپ حابارلادى "استانا" ارناسى.
تەرگەۋ بارىسىندا كۇدىكتى ۇرلىق جاساعان ساتتە ماس بولعانىن، سوعىمدى اسىپ جەۋ ماقساتىندا العانىن مويىندادى دەيدى پوليتسيا وكىلدەرى. ەندى ەت اسىپ جەگىسى كەلگەن كۇدىكتى قايىن جۇرتىنىڭ كەشىرىمىن الماسا، تەمىر تورعا توعىتىلعالماق.
"اتالعان دەرەك بويىنشا قازاقستان قىلمىستىق كودەكسىنىڭ 188-بابى 3-بولىگى 3-تارماعىمەن سوتقا دەيىنگى تەرگەۋ امالدارى باستالدى. كورسەتىلگەن باپقا سايكەس، ەكى جىلدان جەتى جىلعا دەيiنگi مەرزiمگە باس بوستاندىعىنان ايىرۋ جازاسى كوزدەلگەن", - دەيدى جامبىل وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.
