قوستانايدا پوليتسەيلەر گۇل ساتاتىن دۇكەندى توناعان كۇدىكتىنى قولعا ءتۇسىردى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
2021 جىلعى 28 اقپاندا ساعات 19:34-تە قوستاناي قالاسىنىڭ پب “102” پۋلتىنە جەڭىس كوشەسىندەگى گۇل دۇكەنىنىڭ تونالعانى تۋرالى حابارلاما كەلىپ تۇسكەن.
ساتۋشىنىڭ ايتۋىنشا، بەيتانىس ادام دۇكەنگە كىرىپ، كەڭسە پىشاعىمەن قورقىتىپ، 21 مىڭ تەڭگە اقشا مەن ءبىر گۇل شوعىن الىپ كەتكەن. دۇكەن ساتۋشىسى بىردەن پوليتسياعا قوڭىراۋ شالعاندىقتان، پاترۋلدىك پوليتسيا باتالونىنىڭ قىزمەتكەرلەرى داۋلەت دوسمايلوۆ پەن ارحات قايىرجانوۆ قالانى پاترۋلدەۋ بارىسىندا كۇدىكتىگە ۇقساس ادامدى ۇستادى، ساتۋشى ونى بىردەن تانىدى.
كۇدىكتى بۇرىن سوتتالماعان 31 جاستاعى جەرگىلىكتى تۇرعىن بولىپ شىقتى. ول ماس كۇيدە بولعان. ءتارتىپ ساقشىلارى گۇل شوعىن دۇكەنگە قايتاردى، الايدا كۇدىكتى ازامات اقشانىڭ ءبىر بولىگىن جۇمساپ ۇلگەرگەن.
اتالعان فاكت بويىنشا قىلمىستىق كودەكستىڭ 191-بابىمەن (توناۋ) سوتقا دەيىنگى تەرگەۋ امالدارى جۇرگىزىلۋدە.
«ادىرنا» ۇلتتىق پورتالى
