مۇعالىمدەردىڭ موينىنا قوسىمشا جۇك ارتىلادى قاشىقتان وقىتۋدىڭ سالدارىنان مۇعالىمدەردىڭ موينىنا تاعى دا قوسىمشا جۇك ارتىلادى، دەپ حابارلايدى كتك ارناسى.
پەداگوگتەر ەندى ونلاين وقىتۋدىڭ زاردابىمەن كۇرەسەدى. ءبىلىم مينيسترلىگى ەكى جىلدىڭ ىشىندە ولقىلىقتاردى تۇزەتۋگە ارنايى باعدارلاما دا ازىرلەپ قويعان.
شولپان كارينا، قر ءبىلىم جانە عىلىم ۆيتسە-ءمينيسترى:
- ءبىز وقۋ ساپاسىن قاداعالادىق. ءبىرىنشى كەزەكتە ەلەكتروندى جۋرنالدار تەكسەرىلدى. بۇل قۇجات بۇگىنگى كۇنى وقۋشىلاردىڭ ءفورماتيۆتى جانە جيىنتىق باعالاۋىن قاداعالاۋعا مۇمكىندىك بەرەدى. وقۋ پروتسەسى مونيتورينگى كەزىندە مۇعالىمدەر مەن وقۋشىلار اراسىندا ساۋالناما جۇرگىزدىك. بۇگىندە ناتيجەسى قولىمىزدا. كوپتەگەن باسقا ەلدەر سياقتى، ءبىزدىڭ ەلدە دە ماتەماتيكا، تىلدەردى وقىتۋ قيىنعا سوققان، ولقىلىقتار بار. بۇگىندە پەداگوگتەر وقۋ جوسپارلارىن تۇزەتۋدە. ولار وقۋشىلارعا وتكەن كۇردەلى تاقىرىپتاردى قايتا تۇسىندىرۋگە مىندەتتى.
ال وقۋ ۇلگەرىمىنىڭ قانشالىقتى ناشارلاپ كەتكەنىنە شەنەۋنىكتەر ماردىمدى جاۋاپ بەرمەدى. دەگەنمەن ءبىلىم ساپاسىنىڭ تومەندەگەنىن پەداگوگتەر ءبىلىپ وتىر. قازىر مەكتەپتەردەگى كەزەكشى سىنىپتار جابىلىپ، بالالار ارتالارىنا قايتا تولىق وتىردى.
سانيتارلىق تالاپتى ساقتاۋعا وقۋ وردالارى ءبىر سىنىپتى ەكىگە ءبولىپ وقىتۋعا ءماجبۇر. مەكتەپتەردە ەكى ەمەس، ءتورت اۋىسىم بار. پارتادا وقۋشىلار ءبىر-بىردەن جانە بەتپەردە تاعىپ وتىرۋعا ءتيىس. 1-5 سىنىپ وقۋشىلارىنىڭ اراسىندا ۇيدەن ءبىلىم الاتىندار دا تابىلعان. مۇعالىمدەر ولاردى دا وقىتىپ ۇلگەرىپ جاتىر ەكەن.
روزا بولاتاەۆا، №50 قازعارىش مەكتەپ-ليتسەيىنىڭ ديرەكتورى:
- جىلعا جۋىق وتىرىپ قالدى. پاندەميا ءبىلىم ساپاسىنا اسەر ەتتى. ونى مويىنداۋىمىز كەرەك. سول ءۇشىن دە شتاتتىق رەجيمگە تەزدەتىپ كوشىرىلىپ جاتىرمىز. ەندى ءبىلىم ءسال تومەندەپ قالدى-اۋ دەگەن وقۋشىلارعا قوسىمشا تەگىن ساباق ۇيىمداستىرىپ جاتىرمىز.
