Muǵalimderdiń moınyna qosymsha júk artylady Qashyqtan oqytýdyń saldarynan muǵalimderdiń moınyna taǵy da qosymsha júk artylady, dep habarlaıdy KTK arnasy.
Pedagogter endi onlaın oqytýdyń zardabymen kúresedi. Bilim mınıstrligi eki jyldyń ishinde olqylyqtardy túzetýge arnaıy baǵdarlama da ázirlep qoıǵan.
Sholpan Karına, QR Bilim jáne ǵylym vıe-mınıstri:
- Biz oqý sapasyn qadaǵaladyq. Birinshi kezekte elektrondy jýrnaldar tekserildi. Bul qujat búgingi kúni oqýshylardyń formatıvti jáne jıyntyq baǵalaýyn qadaǵalaýǵa múmkindik beredi. Oqý proesi monıtorıngi kezinde muǵalimder men oqýshylar arasynda saýalnama júrgizdik. Búginde nátıjesi qolymyzda. Kóptegen basqa elder sııaqty, bizdiń elde de matematıka, tilderdi oqytý qıynǵa soqqan, olqylyqtar bar. Búginde pedagogter oqý josparlaryn túzetýde. Olar oqýshylarǵa ótken kúrdeli taqyryptardy qaıta túsindirýge mindetti.
Al oqý úlgeriminiń qanshalyqty nasharlap ketkenine sheneýnikter mardymdy jaýap bermedi. Degenmen bilim sapasynyń tómendegenin pedagogter bilip otyr. Qazir mektepterdegi kezekshi synyptar jabylyp, balalar artalaryna qaıta tolyq otyrdy.
Sanıtarlyq talapty saqtaýǵa oqý ordalary bir synypty ekige bólip oqytýǵa májbúr. Mektepterde eki emes, tórt aýysym bar. Partada oqýshylar bir-birden jáne betperde taǵyp otyrýǵa tıis. 1-5 synyp oqýshylarynyń arasynda úıden bilim alatyndar da tabylǵan. Muǵalimder olardy da oqytyp úlgerip jatyr eken.
Roza Bolataeva, №50 Qazǵarysh mektep-lıeıiniń dırektory:
- Jylǵa jýyq otyryp qaldy. Pandemııa bilim sapasyna áser etti. Ony moıyndaýymyz kerek. Sol úshin de shtattyq rejımge tezdetip kóshirilip jatyrmyz. Endi bilim sál tómendep qaldy-aý degen oqýshylarǵa qosymsha tegin sabaq uıymdastyryp jatyrmyz.
