بەلارۋس پرەزيدەنتى رەسەي پرەزيدەنتى ۆلاديمير پۋتينمەن كەزدەسكەننەن كەيىن "ەكى ەل قوسىلۋى مۇمكىن" دەگەن اڭگىمەگە پىكىر ءبىلدىردى، دەپ حابارلايدى بەلتا سايتى.
– ءبىز ەگەمەن ەلمىز. الەمدە ءتۇرلى قاۋەسەتتەر تاراپ بەلارۋس رەسەيگە قوسىلماقشى دەگەن جاڭساق پىكىرلەر جيىلەپ كەتتى. بۇل باعىتتا جۇمىس ىستەۋدىڭ ءوزى اقىماقتىق بولار ەدى.
بىرىنشىدەن، بۇل مۇلدە كەرەك ەمەس. ويتكەنى ەگەمەن ەل رەتىندە ءبىز رەسەي فەدەراتسياسىنىڭ جەكەلەگەن اۋماعىنداعى قارىم-قاتىناستان دا بەرىك قارىم-قاتىناس جۇيەسىن قۇرا الامىز، – دەگەن ول بەلارۋس پەن رەسەي ءتۇرلى باعىتتا تەڭ دارەجەدە دامىپ كەلە جاتقاندىقتان جۇيە قۇرا الاتىنىنا سەنىمدى ەكەنىن جەتكىزدى.
