جاپونيادا ءجىو جان باسىنا 1946-ىنشى جىل 17 دوللار. 1950-دە 132 دوللار. 1960-تا 479 دوللار. سول جىلى تۇركيادا ءجىو 509 دوللار بولعان. تۇركيادا Tofas دەگەن ماشينا شىعاراتىن زاۆود كورەيانىڭ Hyundai دەگەن زاۆودىنان كوپ ءونىم شىعاراتىن. كەدەي جاپونيانىڭ قالاي الەمدەگى ءۇشىنشى مىقتى ەلگە اينالعانىن جازايىق.
ەكىنشى دۇنيەجۇزىلىك سوعىستا جەڭىلىپ شىققان جاپونيانى امەريكا نە كسرو-نىڭ بىرەۋى يەمدەنۋ كەرەك ەدى. امەريكا الدىمەن بومبالادى. ارتىنان قۇشاعىنا الدى. ەڭ ءبىرىنشى كونستيتۋتسياسىن جازىپ بەردى. سودان جاپونيانىڭ ءوزى قارجى سالاسىن زەرتتەدى. ينۆەستورلارعا نازار اۋداردى. يمپورت جاساعاندا دايىن زاتتار ەمەس ستانوك ساتىپ الدى. ۇيلەرىن قاراپايىم جاساپ زاۆود فابريكالارىن ۇلكەيتۋگە تىرىستى. اقشالارىن قۇرىلىسقا ەمەس زاۆودتارعا جۇمسادى. 1950-دەگى كورەيا سوعىسىنان وزدەرىنە قاجەت نارسە الا الدى. 4 نارسەگە نازار اۋدارادى. ۇنەمى دامۋ، مۇمكىندىگىنشە از قاتە، ساپا، پروتسەستى باسقارۋ. جاپونيا تاۋارى دەگەن ءسوزدىڭ ارتىندا يميدج قالىپتاستىرۋ. جۇمىسشىلاردى ۇنەمى دامىتتى. باسشىلىققا شىن مىقتىلاردى تاعايىندادى.
برات، بلات، سۆات دەگەن اڭگىمەلەر بولمادى. كەز كەلگەن ءوندىرىس ورىننىڭ ماقساتى كەشەگىدەن دە جاقسى بولۋ ەدى. جۇمىسشىلاردىڭ ءىس ورىندارىن جاقسى كورۋلەرىن ىنتالاندىردى. جۇمىس ۋاقىتى، دەمالىس ۋاقىتى، تاماق ساپاسى دەگەندەي. جوعارى باسشىلىق كەز كەلگەن جينالىسقا قاتىسادى دەدى ياعني جۇمىسشىلار مەن باسشىلار اراسىندا تىكەلەي بايلانىس ورناتتى. 1945-تە قۇرعان پلانمەن ءالى كەلە جاتىر. ءار باسشىسى نە ءمينيسترى شىعىپ رەفورما جاساي بەرمەدى.
جاپونيا يمپورت ازىق تۇلىكتەرىن ازايتتى. سىرتتان كەلەتىن زاتتاردى قولدانۋدى ازايتتى. قازىرگى ۋاقىتتا دا ايفوندى الەمدەگى ەڭ از قولداناتىن ەلدەردىڭ ءبىرى. بانكتەردىڭ ءساتسىز كرەديت بەرۋلەرىن ازايتتى. لوگيستيكانى دامىتتى. الەمگە اشىلدى. 10-20 جىل الدىڭعى پلاندارمەن ساۋدا جانە ءوندىرىس مينيسترلىگى كەرەمەت جۇمىس ىستەدى. ادامداردىڭ ايلىقتارىن كوتەردى. ول ايلىق جاپونيا ءۇشىن از بولسا دا ەڭ از ايلىق الاتىن جاپون باسقا ەلگە ساياحاتقا شىقسا باي بولىپ ەسەپتەلەدى. جاپونياعا نە قاجەت دەپ قارامادى.
الەم نەگە مۇقتاج ءبىز نە بەرە الامىز دەپ ۇلكەن ماسشتابتا ءتۇسىندى. بىلىمگە نازار اۋداردى. 1945-تە توبەسىنەن اتوم بومباسى قۇلاپ جاتسا دا ساباقتارىن وقۋدى جالعاستىرىپتى دەيدى.
ءسابيت رىسباەۆ،
"ادىرنا" ۇلتتىق پورتالى
