قاشان ەكونوميكامىز جاندانادى

3055
Adyrna.kz Telegram
جاقىندا ەكونوميكالىق رەفورمالار جاسالادى ەكەن. ەندى ەكونوميكانى ءارتاراپتاندىرادى ەكەنبىز. 30 جىل بولدى وسىنى ايتىپ كەلە جاتقانىمىزعا. نە دەگەن ءارتاراپتانبايتىن ەكونوميكا بىزدە؟ شىنى كەرەك 1989-ىنشى جىلعى قازاقستاننىڭ ەكسپورتىنداعى شيكىزاتتىڭ كولەمى مەن 2019-داعى ەكسپورتتاعى شيكىزاتتىڭ كولەمىندە كوپ ايىرماشىلىق جوق. ءبىز ءالى كۇنگە دەيىن سىرتقا دايىن ءونىم ەمەس تەك شيكىزات ساتاتىن ەلمىز. ول كەزدە سسسر-ءدى كىنالادىق. ەندى كىم كىنالى؟ باسىندا جاس مەملەكەتپىز دەپ جۇباتۋشى ەدىك ەندى 30-عا تولعان وگىز بولدىق قوي.
كوپ ادامدارمەن سويلەسسەڭ 2007-2008 دەگى حالىقتىڭ جاعدايى دۇرىس ەدى دەيدى. ءبىز ءالى كۇنگە دەيىن 2008-دەگى ورتاشا ايلىققا جەتە الماي كەلەمىز. 12 جىل ءبىر ورىندا تۇرىپ قالمادىق ءسال ءپال ارتقا دا كەتتىك. اناعان ايلىق، مىناعان الەۋمەتتىك كومەك كوبەيەدى دەپ جىر قىلىپ ايتامىز. سونىمەن قاتار دەۆالۆاتسيا دا ءوسىپ جاتقانىن ايتپايمىز. ەشقانداي دايىن ءونىم شىعارماي تەك شيكىزات ساتاتىن بەنزوكولونكا بولعانىمىز ءۇشىن ءاربىر دوللاردىڭ قىمباتتاۋى بىزگە تىكەلەي اسەر ەتەدى. دوللارمەن قاتار بۇكىل زاتتار قىمباتتايدى. حالىقتىڭ ءال اۋقاتىنىن ارتقانىن تەك دوللارمەن وسكەن ايلىقپەن عانا ەسەپتەي الامىز. تەڭگەمەن وسكەندى قىمباتشىلىق جەپ قويادى. بارا بارا ءومىر ءسۇرۋ قيىنداپ جاتىر. بىراق ءالى باسشىلارىمىز روزوۆىي وچكي كيىپ ەشتەڭە كورگىلەرى كەلمەي ءوز الەمدەرىندە ءومىر ءسۇرىپ جاتىر. مەن بوراتتىڭ كينوسى ءۇشىن ەمەس، جەمقورلىق ءۇشىن ۇيالامىن.
پىكىرلەر