بۇگىندە ەلىمىزدە ەڭبەك ەتىپ، كاسىپ اشام دەۋشىلەرگە مۇمكىندىك مول. شاعىن جانە ورتا بيزنەس باستاۋ ءۇشىن 6 پايىزدىق سۋبسيديا، جەڭىلدەتىلگەن نەسيە الۋعا «دامۋ» كاسىپكەرلىكتى قولداۋ قورى كومەكتەسىپ كەلەدى. اتالعان قوردان قولداۋ العان كاسىپكەر ءاليا امىربەكوۆا «Vanil» كونديتەرلىك تسەحىن اشىپ، وتباسىمەن بىرگە دامىتىپ كەلەدى. قاي كۇنى بارساڭ دا دۇكەندەرى ءتاتتى ساتىپ الۋعا كەلگەن تۇتىنۋشىلارعا تولى.
«Vanil» كونديتەرلىك ءۇيى - 2012 جىلى قۇرىلعان وتباسىلىق كونديتەرلىك مەكەمە. ءاليا امىربەكوۆا - شىمكەنت قالاسىندا كونديتەرلىك دۇكەن اشۋ جونىندە يدەيا كوتەرىپ، ونى جۇزەگە اسىرعان ازاماتشانىڭ ءبىرى. بۇگىندە مەگاپوليستىڭ اسپاز بەن كونديتەرلەر گيلدياسىنىڭ مۇشەسى بولىپ تابىلادى.
ءاليا – سۇيىكتى ءىسىن دامىتۋ ءۇشىن يسپانيا، فرانتسيا، رەسەي جانە ۋكراينانىڭ ۇزدىك كونديتەرلىك مەكتەپتەرىندە ءبىلىم العان.
«ازىق-تۇلىك ونەركاسىبىندە بيزنەس باستاۋ وڭاي بولمادى. باستاپقى كاپيتال، جۇمىس كۇشى، وتكىزەتىن جەر، سايكەستىك سەرتيفيكاتى، رۇقسات قاعازدارى كەرەك ەدى. ءبىز قيىندىقتاردى جەڭدىك، تاجىريبە جينادىق. «دامۋ» قورىنىڭ كومەگىمەن ءوز عيماراتىمىزدى ساتىپ الدىق. قازىر كۇندەلىكتى جەۋگە ارنالعان جەڭىل توقباسارلارمەن قاتار، كەز كەلگەن كۇردەلى اۆتورلىق ديزاينى ونىمدەردى شىعاراتىن ءوز كونديتەرلىك ءۇيىمىز بار»، - دەيدى ءاليا امىربەكوۆا.
«Vanil» كونديتەرلىك ءۇيى ءوز كليەنتتەرىنە كەز-كەلگەن مەرەكەگە وراي، ءوزىنىڭ تاتتىلەرىمەن جانە دەسەرتتەرىمەن اسەمدەۋگە دايىن! كورسەتىلگەن تەلەفون نومىرىنە حابارلاسىپ+7 (7252) 20 05 34, +7 (702) 930 66 60 تولىعىراق اقپارات الۋىڭىزعا بولادى.
شىمكەنت قالاسى اكىمدىگىنىڭ ءباسپاسوز قىزمەتى
