كوروناۆيرۋستىق ىندەتپەن بىرلەسكەن كۇرەس ماقساتىندا ازياداعى ءوزارا ءىس-قيمىل جانە سەنىم شارالارى كەڭەسىندەگى (اوسشك) قازاقستاندىق توراعالىق اياسىندا گۋمانيتارلىق كومەكتى اۋعانستان، يراك جانە پالەستيناعا تابىستاۋدىڭ رەسمي ءراسىمى ءوتتى، دەپ حابارلايدى «ادىرنا» ءتىلشىسى ءسىم ءباسپاسوز قىزمەتىنە سىلتەمە جاساپ.
گۋمانيتارلىق كومەكتىڭ دەمەۋشىسى «HALYK» قايىرىمدىلىق قورى بولدى.
قازاقستان سىرتقى ىستەر مينيسترلىگىنىڭ عيماراتىندا وتكەن سالتاناتقا سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ، اوسشك حاتشىلىعىنىڭ اتقارۋشى ديرەكتورى قايرات سارىباي، «HALYK» قايىرىمدىلىق قورىنىڭ ديرەكتورى ساعىنبەك شۋنكەەۆ، پالەستينا ەلشىسى مۋنتاسەر ابۋ زەيد، اۋعانستاننىڭ ۋاقىتشا سەنىمدى وكىلى ازيزۋلا ومار جانە يراكتىڭ ۋاقىتشا سەنىمدى وكىلى موحاممەد موحسين قاتىستى.
ءراسىم بارىسىندا ش.نۇرىشەۆ اوسشك-ءتىڭ «ەپيدەميولوگيالىق قاۋىپسىزدىك، قوعامدىق دەنساۋلىق ساقتاۋ جانە فارماتسەۆتيكا» جاڭا سەنىم شاراسى اياسىندا قازاقستان دوستىق مەملەكەتتەرگە گۋمانيتارلىق كومەك بولۋدە، بۇل حالىقارالىق قوعامداستىقتا ءوزارا قولداۋدىڭ ەرەكشە قاجەتتىلىگىن كورسەتەتىنىن اتاپ ءوتتى.
«ادىرنا» ۇلتتىق پورتالى
