بقو-دا پوليتسيا قىزمەتكەرلەرى جۇكتى كەلىنشەكتى اۆتوكولىكتە بوساندىرىپ الدى. بۇل تۋرالى وبلىستىڭ پوليتسيا دەپارتامەنتى جازدى دەپ حابارلايدى، «ادىرنا» ءتىلشىسى.
2021 جىلعى 26 اقپانعا قاراعان ءتۇنى سامارا-شىمكەنت تاسجولىندا سىرىم اۋدانى العاباس اۋىلى تۇسىندا «ۆاز-2110» اۆتوكولىگى سىنىپ، جولدا تۇرىپ قالعان. ونىڭ جۇرگىزۋشىسى اۆتوكولىكتە جۇكتى كەلىنشەكتىڭ تولعاعى باستالعانىن جەتكىزگەن. پوليتسيا لەيتەنانتى ەرنىس باقتىگەرەەۆ پەن پوليتسيا اعا لەيتەنانتى تيمۋر سۇيىناليەۆ ايەلدى پاترۋلدىك اۆتوكولىككە وتىرعىزىپ، جەدەل جاردەم شاقىرىپ، ورالعا بەت العان. جولشىباي توعاناس اۋىلى ماڭىندا كەلىنشەك امان-ەسەن بوسانىپ، ءتارتىپ ساقشىلارى شاقالاقتىڭ كىندىگىن كەسكەن. تەرەكتى اۋدانى پودستەپنىي اۋىلىنا جەتكەننەن كەيىن ايەل سابيىمەن جەدەل جاردەم دارىگەرلەرىنە بەرىلدى.
تاعى ءبىر وسىنداي وقيعا كەشە ءبورلى اۋدانىندا بولعان. اقساي قالاسىندا تۇراتىن كەلىنشەك تولعاعى باستالعاننان كەيىن تاكسي شاقىرعان. تاكسي جۇرگىزۋشىسى تاجىريبەسى از بولعاندىقتان، ايەلدى بارىنشا تەز جەتكىزۋ كەرەكتىگىن جولشىباي كەزدەسكەن پاترۋلدىك پوليتسيا قىزمەتكەرلەرىنە ايتقان. پوليتسيا كاپيتانى نۇرسۇلتان بەكەسوۆ پەن اعا لەيتەنانت ەرلان ورىسباەۆ ايەلدى ءوز كولىكتەرىنە وتىرعىزىپ، ءبورلى اۋداندىق اۋرۋحاناسىنا دەرەۋ جەتكىزگەن.
«ادىرنا» ۇلتتىق پورتالى
