BQO-da polıııa qyzmetkerleri júkti kelinshekti avtokólikte bosandyryp aldy. Bul týraly oblystyń polıııa departamenti jazdy dep habarlaıdy, «Adyrna» tilshisi.
2021 jylǵy 26 aqpanǵa qaraǵan túni Samara-Shymkent tasjolynda Syrym aýdany Alǵabas aýyly tusynda «VAZ-2110» avtokóligi synyp, jolda turyp qalǵan. Onyń júrgizýshisi avtokólikte júkti kelinshektiń tolǵaǵy bastalǵanyn jetkizgen. Polıııa leıtenanty Ernis Baqtygereev pen polıııa aǵa leıtenanty Tımýr Súıinálıev áıeldi patrýldik avtokólikke otyrǵyzyp, jedel járdem shaqyryp, Oralǵa bet alǵan. Jolshybaı Toǵanas aýyly mańynda kelinshek aman-esen bosanyp, tártip saqshylary shaqalaqtyń kindigin kesken. Terekti aýdany Podstepnyı aýylyna jetkennen keıin áıel sábıimen jedel járdem dárigerlerine berildi.
Taǵy bir osyndaı oqıǵa keshe Bórli aýdanynda bolǵan. Aqsaı qalasynda turatyn kelinshek tolǵaǵy bastalǵannan keıin taksı shaqyrǵan. Taksı júrgizýshisi tájirıbesi az bolǵandyqtan, áıeldi barynsha tez jetkizý kerektigin jolshybaı kezdesken patrýldik polıııa qyzmetkerlerine aıtqan. Polıııa kapıtany Nursultan Bekesov pen aǵa leıtenant Erlan Órisbaev áıeldi óz kólikterine otyrǵyzyp, Bórli aýdandyq aýrýhanasyna dereý jetkizgen.
«Adyrna» ulttyq portaly
