بىلتىر 9 ايدىڭ ىشىندە ەلدە 9 مىڭنان استام ءورت دەرەگى تىركەلدى. بۇل تۋرالى بۇگىن ءماجىلىس دەپۋتاتى فاحريددين قاراتاەۆ مالىمدەدى، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
ايتۋىنشا، وسى ورتتەردىڭ سالدارىنان 228 ادام كوز جۇمعان. تاعى 217 ازامات جاراقات العان. دەپۋتاتتار ءورت قاۋىپسىزدىگىن قامتاماسىز ەتۋ شارالارى ءتيىستى دەڭگەيدە جۇرگىزىلمەيدى دەگەن پىكىر ءبىلدىردى. سوندىقتان «نۇر وتان» پارتياسىنىڭ فراكتسياسى ۇكىمەت باسشىسىنا ساۋال جولداپ، وسى ماسەلەنى قولعا الۋدى تالاپ ەتتى.
قۇجاتتا توتەنشە جاعدايلار مينيسترلىگى، وڭىرلەردىڭ اكىمدىكتەرىمەن بىرلەسىپ، كوپ قاباتتى تۇرعىن ۇيلەرگە، اسىرەسە ساياجاي، باسقا دا جايلى ەمەس تۇرعىن ۇيلەردى قاتاڭ باقىلاۋعا الۋ قاجەتتىلىگىن اتاپ ءوتتى.
«ادىرنا» ۇلتتىق پورتالى
