Byltyr 9 aıdyń ishinde elde 9 myńnan astam órt deregi tirkeldi. Bul týraly búgin Májilis depýtaty Fahrıddın Qarataev málimdedi, dep habarlaıdy «Adyrna» tilshisi «Habar 24»-ke silteme jasap.
Aıtýynsha, osy órtterdiń saldarynan 228 adam kóz jumǵan. Taǵy 217 azamat jaraqat alǵan. Depýtattar órt qaýipsizdigin qamtamasyz etý sharalary tıisti deńgeıde júrgizilmeıdi degen pikir bildirdi. Sondyqtan «Nur Otan» partııasynyń frakııasy Úkimet basshysyna saýal joldap, osy máseleni qolǵa alýdy talap etti.
Qujatta Tótenshe jaǵdaılar mınıstrligi, óńirlerdiń ákimdikterimen birlesip, kóp qabatty turǵyn úılerge, ásirese saıajaı, basqa da jaıly emes turǵyn úılerdi qatań baqylaýǵa alý qajettiligin atap ótti.
«Adyrna» ulttyq portaly
