ءبىلىم مينيسترلىگى وسىنداي زەرتتەۋ وتكىزسە...
رەسەيدە وتە قىزىق زەرتتەۋ جۇرگىزىلدى. مەكتەپ وقۋشىلارىنا ء"سىز ءۇشىن كىم باتىر" سۇراعى قويىلعان. سونىمەن جاۋاپتار كەلەسىدەي:
1. وقۋشىلاردىڭ 26,2% اتا-انام، دوسىم، تۋىسىم دەپ جاۋاپ بەرىپتى.
2. وقۋشىلاردىڭ 10,1% وقۋشى تەمىر ادام، نارۋتو، ورمەكشى ادام دەپتى.
3. وقۋشىلاردىڭ 5,4% كەڭەس-گەرمان سوعىسىنىڭ ارداگەرلەرى مەن اسكەريلەر دەپ ءتىل قاتىپتى.
4. جاۋاپ بەرۋشىلەردىڭ 3% يۋري گاگاريندى باتىر سانايدى ەكەن.
5. 2,6% وقۋشى ءپۋتيندى باتىرعا بالاپتى.
6. 2,4 % دارىگەرلەردى باتىر سانايدى.
7. 2,1 % توتەنشە جاعدايلار قىزمەتكەرلەرى مەن پوليتسەيلەردى قاھارمان دەپ ويلايدى.
8. وقۋشىلاردىڭ 2% سپورتشىلار مەن شەتەل ارتىستەرىن باتىر دەپ ويلاپ ءجۇر ەكەن.
9. 1% جاۋاپ بەرۋشىلەر جۋكوۆ، لەنين، كۋتۋزوۆتى باتىر سانايدى.
10. 0,7% وقۋشى زويا كوسمoدەميانسكايانى ناعىز باتىر دەيدى.
وقۋشىلاردىڭ 23,4% سۇراققا جاۋاپ بەرۋدەن باس تارتقان.
بۇل دۇرىس زەرتتەۋ، بىزدە وسىنداي زەرتتەۋ كەرەك دەپ سانايمىن. وقۋشىلار كىمدى باتىر سانايدى، كىم ولار ءۇشىن ۇلگى؟ ولاردىڭ جاۋابىنا قاراپ-اق ءبىز مەكتەپتەگى ۇلتتىق قۇندىلىق دەڭگەيىن، يدەولوگيانى ناقتى بىلە الامىز. ارينە زەرتتەۋ ناقتى ءارى شىنايى جۇرسە.
وقۋشىلار اتا-اناسىن، تۋىستارىن، دوستارىن باتىر ساناسا، كەشەگى ەل قورعاعان باتىرلاردى، اقىنداردى، الاش ارىستارىن، كەنەسارى مەن كەيكىنى، ءاليحان مەن احمەتتى، ماعجان مەن مىرجاقىپتى ايتىپ جاتسا جاقسى. ال ەگەر ولاردى ەمەس ستالين، لەنين، جۋكوۆ، پەترلاردى ايتسا، وندا وتە ۇلكەن يدەولوگيالىق جۇمىس ىستەۋ كەرەك بولادى. اسحات ايماعامبەتوۆ مىرزاعا كىشىگىرىم ۇسىنىس قوي. تەگىن جاساۋعا بولاتىن دۇنيە نەگىزى، شىعىنسىز. اتتاس، ءبىر ءوتىنىشتى جەرگە تاستاماشى!
اسحات قاسەنعالي،
"ادىرنا" ۇلتتىق پورتالى
